సైకత రాణి!
Published Saturday, 14 October 2017ఈ రాతికట్టడాన్ని చూస్తే అచ్చం మహిళ తలలా కనిపిస్తోంది కదూ! బ్రిటిష్ రాణి ఎలిజబెత్ తలకట్టును తలపిస్తోందనేవారూ ఉన్నారు. తైవాన్ రాజధాని తైపీకి 45 నిమిషాల ప్రయాణం చేస్తే యెహిలియూ పట్టణం వస్తుంది. అక్కడ ఉన్న జియోపార్కులో ఈ రాతిబొమ్మ కనిపిస్తుంది. గాలి రాపిడికి బండరాయి ఇలా తయారైంది. ఇలాంటి వింతలు ఎన్నో అక్కడి పార్కులో కనిపిస్తాయి. దాదాపు నాలుగువేల ఏళ్లనుంచి ఆ రాయి ఇలా మార్పులకు లోనయి ఉంటుందని అంచనా. దీనిని చూసేందుకు పెద్దసంఖ్యలో పర్యాటకులు వస్తూంటారు. ఈ రాయిని ‘క్వీన్స్ హెడ్’గా పిలుస్తారు! అన్నట్లు ఈ అపురూప శిల్పంలో అతి సన్నని భాగం మెడ. అక్కడి దాని చుట్టుకొలత కేవలం 136 సెంటీమీటర్లు.