వెయ్యి కోట్ల వెర్రి
Published Saturday, 21 October 2017అమ్మా సచివాలయమా
అధికారుల నిలయమా
వాస్తవమో కాదో తెలియని
వాస్తే నీకు శాపమైంది
మార్పులతో చేర్పులతో
దిష్టిబొమ్మ రూపమొచ్చింది
పదవి దక్కగానే
పండితోత్తములు చెప్పారని
గోడలు కూల్చకుండా
ద్వారాలు మార్చకుండా
అధికార పీఠమెక్కిన
అమాత్యులెవరమ్మా!
అధికారం చేజారకుండా
తరతరాలు తమ వద్దే ఉండాలని
పూజలు యజ్ఞయాగాలు
స్వామీజీలకు బాబాలకు
సాష్టాంగ ప్రణామాలు చేయని
ముఖ్య నాయకులెవరమ్మా!
ప్రజాస్వామ్య యుగంలో
రాచరికం మోజులు
కారణజన్ములమనే భ్రమలు
ఊరుకోనీయని కీర్తికాంక్షతో
ఉరుకులాట పనులు
చంపాలనుకున్న కుక్కకు
పిచ్చిముద్ర వేసినట్లు
పదవీ గండం భయంతో
భూత్బంగ్లా చేస్తున్నారు నిన్ను
నిజామును పొగిడి తుగ్లక్తో పోటీ పడి
నిక్షేపంగా ఉన్న నీ అధికార కేంద్రాన్ని
‘బైసన్ పోలో’ బాట పట్టించడం
ప్రజాధనంతో పాచికలాడడం.