వరానే్వషణ
Published Saturday, 13 July 2019కళ్లల్లో కళ్లెట్టి నీ కళలన్ని పసికట్టి
కనుపాపల కదలికలే చదివా!!
పయ్యెదపై గురిపెట్టి పైటచాటు పరువాల పగరువాల
తులతూగె కనె్న సొగసులెరిగా!!
గుండెలో విషయం నే చదివిన వైనమెరిగి
రెప్పలార్చి ఏమార్చే తీరులని
ఓరకంట ఓ రకంగా నన్నాకర్షించే నెరజాణవని
తెరతీయమని కిర్రెక్కించే తొందరలని
చిత్ర విచిత్ర కులుకులని కులుకుల సాగే సొబగులని
వణికే పెదవుల నదిమే మునిపంటి తీరులని
నీ కన్నులు అదే పనిగ వెతికే దారులని
శృతిచేసే వైణికుడను ప్రేమికుడను నేనేనని
కనుసైగలు ఎనె్నన్నో నే చేశా
కనె్న ఎదను దోచేశా...
నిజం.. నిజం.. నిజం.. కాదంటే హజం..
నీ చూపు నన్ను తాకింది.. తపనలింత రేపింది...
ఇరు పెదవులు వణికినది.. తొలి మధువులు తొణికినది..
నా సరి నీవని.. నా గురి నీవని నిను వలచింది..
మది మురిసింది.. ఈ విరి విరిసినది..
మరులూరించే తూనీగ మీసాల
సొగసరి గడసరి మగసిరి నెలరేడివని
వగలెరిగిన చెలికాడివని
నీ కదలికలకు సొగసరి నేనేనని.