మహదేవపూర్, జూలై 24: మండలంలోని కాళేశ్వర పుణ్యక్షేత్రంలో ఆదివారం కరీంనగర్ జిల్లా ఓఎస్‌డి సుబ్బారాయుడు కుటుంబ సమేతంగా శని పూజలు నిర్వహించుకున్నారు. అనంతరం పుణ్య స్నానం ఆచరించి కాళేశ్వర ముక్తీశ్వర స్వామికి ప్రత్యేక అభిషేకం నిర్వహించారు. ఈవో హరిప్రకాష్ స్వామి వారి తీర్థ ప్రసాదాలతోపాటు మెమోంటోను అందజేశారు. ఆయన వెంట కాటారం సిఐ సదన్ కుమార్, మహదేవ్‌పూర్ ఎస్‌ఐ కృష్ణా రెడ్డి ఉన్నారు.