పశువుల పండుగ ఎందుకంటే?
Published Sunday, 12 February 2017మనదేశంలో చాలాచోట్ల సంక్రాంతి సందర్భంగా కనుమనాడు పశువులకు పూజ చేయడం రివాజు. కానీ వియత్నాంలో ఏటా ఫిబ్రవరి మొదటి వారంలో పశువులకు రంగులద్ది పండుగ చేసుకోవడం ఆనవాయితీ. దీనికోసం హనమ్ ప్రావిన్స్లో జరిగే పశువుల రంగుల పండుగకు దేశం నలుమూలల నుంచి వచ్చే రైతులు పోటీల్లో పాల్గొంటారు. తాము పెంచిన పశువులకు విభిన్నమైన రంగులతో అలంకరించి పోటీలోకి దించుతారు. చైనా నూతన సంవత్సరం మొదటి నెల మొదటి వారంలో అంటే దాదాపు ఫిబ్రవరి 2న ఈ పోటీ నిర్వహిస్తారు. దేశం సుభిక్షంగా ఉండాలని, పుష్కలంగా పంటలు పండాలని, వాతావరణం అనుకూలించాలని కోరుతూ వారు ఈ వేడుకలు నిర్వహిస్తారు.