నాకు ప్రేమించటం తెలుసు
ప్రపంచీకరణ పరవశంలో కొట్టుకుపోతున్నవాన్ని కాదు
ప్రపంచీకరణ చెత్తలో అనామకున్ని కాలేదు
నేను నిటారుగా నిలబడే ఉన్నాను
జనం గుణం, జనం రణం, జనం దుఃఖం తెలిసినవాన్ని
నేనెలా ఆ వలయంలో చిక్కుకుంటాను?
నినే్నమిటో నేడేమిటో రేపేమిటో
శాస్ర్తీయ పూల చెట్టును పెంచుతున్నవాన్ని
సిద్ధాంతం మైలురాళ్లు దాటుతున్నవాన్ని
నేనెలా ప్రపంచీరణ మోజులో చితిపోతాను?
నాకు ప్రేమించటం తెలుసు
ఏ మోజు నన్ను స్వార్థం ఒడిలోకి లాగలేదు
ఏ విషం నన్ను జనం సంస్కృతి నుండి మళ్లించలేదు
ఏ దోపిడి మాయాజాలం నన్ను గుప్పిట్లో బంధించలేదు
నేను కవిని
ప్రేమించటం తెలిసిన కవిని
నేలను, గాలిని, చెట్టును, పుట్టను,
అమ్మను, నాన్నను, అన్నను, చెల్లెను,
ఈ జనాన్ని, ఈ దేశాన్ని ప్రేమించటం తెలిసినవాన్ని
స్వార్థం లేని ప్రయాణంలో
త్యాగం మైలురాళ్ళు దాటుతున్నవాన్ని
అనురాగం నా నడక
ఆప్యాయత నా మాట, ఆత్మీయత నా పాట