పంటలను అతి తక్కువ సమయంలో తిని పాడుచేసే ‘అఫిడ్స్’ను కరకరా నమిలి తినేసే ‘లేడీ బగ్’ అంటే రైతులకు ఎంతో ప్రేమ. ఆ అభిమానంతోనే వాటిని లేడీ బీటిల్ అని కూడా పిలుస్తారు. రోజుకు ఒక లేడిబగ్ బీటిల్ కనీసం 50 అఫిడ్స్‌ను అమాంతం తినేస్తుంది. ఎరుపు శరీరవర్ణంపై నల్లటి మచ్చలతో గుండ్రంగా, అందంగా కనిపించే ఈ బగ్ ప్రమాదం ఎదురైనప్పుడు మోకాళ్ల నుంచి విషానిన చిమ్ముతుంది. చెట్ల కొమ్మలు, కాండంపై నుంచి జారిపోకుండా ఉండేందుకు పాదాలనుంచి బంకలాంటి ద్రవాన్ని విడుదల చేసి వాటిని అతుక్కుని ఉంటుంది. మనలో చిన్నపిల్లల కన్నా ఇవి వేగంగా నడుస్తాయి. ఓ చిన్నపిల్లాడు గంటకు 2 మైళ్ల వేగంతో నడవగలిగితే ఇవి గంటకు 15 మైళ్ల వేగంతా
నడుస్తాయి తెలుసా!