S ,7 à 8 RSCA (si SASPAS) et 6 cialis pharmacie cialis rapports de stage.
అవీ .. ఇవీ..
ఆస్ట్రేలియాలోని సిడ్నీలో ఈ మధ్య నిర్వహించిన ఓ కార్యక్రమంలో ఆ దేశంలోని ఓ గిరిజన తెగకు చెందినవారు తమ సంస్కృతి సంప్రదాయలను ప్రతిబింబించేలా తయారై వచ్చారు. ఆహూతులను తమ చేష్టలతో అలరించారు. సందర్శకులపైకి బాణాన్ని ఎక్కుపెట్టినట్లు ఫోజులిచ్చారు. ప్రపంచం ఎంత ఆధునికతవైపు పరుగుతీస్తున్నా తమ సంస్కృతిని మరచిపోమని వారు చెబుతున్నారు. ఈ తెగవారు పపువాన్యూగినియా ప్రాంతంలో నివసిస్తున్నారు.
మార్షల్ ఆర్ట్స్‌లో ఇలా పలకలు పగలగొట్టడం ఓ విద్యావిశేషం. కానీ ఇప్పుడు ఇక్కడ ఇలా అభ్యాసం చేస్తున్నది ఔత్సాహికులు కాదు. దక్షిణ కొరియాలోని ఆర్మీ క్యాంప్‌లో శిక్షణ పొందుతున్న సైనికుల శిక్షణ కార్యక్రమం ఇది. ఓ సైనికుడు ఇలా ఒక్కదెబ్బతో పదులసంఖ్యలో కాంక్రీట్ ఫలకాలను ధ్వంసం చేయడం విశేషం.
ఇక్కడ వరుసగా ఉన్న వాహనాలన్నీ ఒకే రంగులో ఉన్నాయేమిటా అని అనుకోకండి. వాటిపై దట్టంగా బూడిద పరుచుకుంది. దాంతో అవి అలా కన్పిస్తున్నాయి. జపాన్‌లోని ప్రఖ్యాత అగ్నిపర్వతం అసో విస్ఫోటనంతో ఆ ప్రాంతం అంతా బూడిద ఎగసిపడింది. దీంతో అప్పటికే అక్కడున్న ప్రాంతం అంతా బురద, బూడిదతో
నిండిపోయింది.
హిందూ సంప్రదాయంలో గోమాతకు పవిత్రస్థానం ఉంది. ఉత్తర భారతంలోని అలహాబాద్ వద్ద ప్రవహిస్తున్న గంగానదీ తీరంలో ఓ గోమాతకు ప్రసాదం పెట్టి ఓ వ్యక్తి ఇలా భక్తిపూర్వకంగా నమస్సులందజేస్తున్న దృశ్యం అందరినీ ఆకట్టుకుంది.
చైనాలోని ప్రఖ్యాత వెడ్డింగ్ డ్రెస్ మార్కెట్ ఇప్పుడు కళకళలాడిపోతోంది. వివాహదుస్తుల విక్రయానికి ఆ మార్కెట్ పెట్టిందిపేరు. జింగ్సు ప్రావిన్సులోని సుజౌలో ఈ మార్కెట్ ఉంది. ఇక్కటి వారు పెళ్లిదుస్తుల విక్రయంలో గిన్నిస్ రికార్డు కొట్టేయాలని తలపోశారు. అంతే ఓ పిలుపు ఇచ్చారు. ఒకేసమయంలో వివాహానికి సిద్ధంగా ఉన్న వందలాదిమంది అక్కడికి చేరారు. పెళ్లిదుస్తుల కొనుగోలుకు సిద్ధమయ్యారు.
నచ్చిన విషయాన్ని చెప్పడానికి చాలామంది బొటనవేలిని ఇలా ఎత్తి చూపిస్తారు కదా. రియల్లీగుడ్ ఆర్ట్ పేరిట ప్రఖ్యాత చిత్రకళాకారుడు డేవిడ్ కూడా అదే పని చేశాడు. కాకపోతే థంబ్ ఇలా పైకి ఎత్తిన భంగిమలో ఓ కళఖండాన్ని రూపొందించి ప్రదర్శనకు ఉంచాడు. ఇది అందరినీ ఆకట్టుకుంది. లండన్‌లోని ప్రఖ్యాత ట్రఫాల్గర్ స్వేర్‌వద్ద ఇది దర్శనమిస్తోంది.
ప్రపంచంలో సేవలు అందించే అతి పొట్టి శునకంగా గిన్నిస్ రికార్డు సాధించిన ఈ చిట్టిపొట్టి కుక్క పేరు లూసీ. లండన్‌లోని యార్క్‌షైర్‌కు చెందిన ఈ పొట్టి శునకం అనారోగ్యంతో చికిత్స పొందుతున్న రోగులకు మానసికంగా వారిలో ఉత్సాహం నింపడానికి పనిచేస్తోంది. తరచూ హాస్పిటల్స్, నర్సింగ్‌హోమ్‌లు, క్లినిక్‌లను సందర్శిస్తూ రోగుల వద్దకు వెళుతుంది. దీని ఆకారం, చేష్టలు చూసి వారు ఆనందం వ్యక్తం చేస్తూంటారు.
ఆధునిక ప్రపంచంలో ఫ్యాషన్ షోలకు మంచి ఆదరణ ఉంది. ఎప్పటికప్పుడు సృజనాత్మకతో కూడిన దుస్తులతో అందాల భామలు ఆహూతులను అలరించడం మామూలే. పారిస్‌లో ఇటీవల జరిగిన ఓ ఫ్యాషన్ షోలో జపాన్‌కు చెందిన ఓ మోడల్ ఇలా రోబోక్యాప్‌తో క్యాట్‌వాక్ చేసి ఆహుతులు వాహ్ అనేలా చేసింది.
తలకు రెండుపక్కాలా ఈకల్లాంటివి కట్టుకుని శరీరంపై ఒక పద్ధతిలో రంగులు అద్దుకుని కనిపిస్తున్న ఈ బాలుడు ఇథియోపియాలోని ఓ గిరిజన తెగకు చెందినవాడు. ఆ దేశంలో అరుదైన 24 గిరిజన జాతులు తమ సంస్కృతి సంప్రదాయాలు మరుగున పడిపోకుండా కాపాడుకుంటున్నారు. అందులో భాగంగా ఈ మధ్య జరిగిన ఓ ప్రదర్శనకు ఈ బాలుడు తమ సంప్రదాయ శైలిలో ఇలా తయారై వచ్చాడన్నమాట. అన్నట్లు ఇథియోపియాలోని సౌత్‌ఒమొలో ఈ తెగవారు ఎక్కువగా ఉంటారు.
భారత్‌లో ఇప్పుడు దసరా సంబరాలు ఘనంగా జరుగుతున్నాయి. పొరుగు దేశమైన నేపాల్‌లోనూ ఆ సందడి కన్పిస్తోంది. ఆ దేశ రాజధానిలో విజయ దశమి వేడుకల సందర్భంగా ఓ బాలిక దుర్గాదేవి భక్తురాలిగా వేషధారణలో అందరినీ ఆకట్టుకుంది.