S ,7 à 8 RSCA (si SASPAS) et 6 cialis pharmacie cialis rapports de stage.
అవీ .. ఇవీ..
ఈ మధ్య బాగా ప్రజాదరణ పొందిన రియాల్టీ వీడియోగేమ్ పోకెమాన్ జనజీవనంలో భాగమైపోయింది. పోకెమాన్ గుర్తులున్న వస్తువులకు మంచి డిమాండ్ ఉంది. ఇప్పుడు తినే పదార్థాలూ పోకెమాన్ పేరుతోనే సిద్ధమమవుతున్నాయి. ఆస్ట్రేలియాలోని సిడ్నీలో ఓ రెస్టారెంట్‌లో కేవలం పోకెమాన్ బర్గర్‌లు, పిజ్జాలు మాత్రమే విక్రయిస్తున్నారు. వాటికి ఇప్పుడు మంచి క్రేజ్ ఏర్పడింది.
తక్కువ వ్యవధిలో ఎక్కువ తినడం అన్న పోటీ సాధారణమే. స్పెయిన్‌లోని సెయింట్ బాత్రోలోమ్ ఫెయిర్ సందర్భంగా అక్కడ పుచ్చకాయలు తినే పోటీ నిర్వహించారు. తక్కువ సమయంలో ఎవరు ఎక్కువ పుచ్చకాయలు తింటే వారే విజేత. ఈ పోటీలో పుచ్చకాయ తినేందుకు ఇలా అవస్థపడుతున్నాడీ యువకుడు. కాగా జర్మనీలో ఇటీవల నిర్వహించిన పశువుల పరుగుపందెంలో తన పెంపుడు ఎద్దును కదలమంటూ ఇలా నెడుతోంది ఓ మహిళ.
తన పెంపుడు శునకం ఈతకొడుతూంటే ఫొటో తీయాలని ఉబలాటపడిపోయింది చైనాకు చెందిన ఓ యువతి. సరే, అందుకు తగ్గ విధంగా ఫోజిచ్చిన ఈ శునకం ఎంత శ్రద్ధగా ఫొటో తీయించుకుంటోందో చూడండి మరి. చెంగ్డు నగరంలోని ఓ స్విమ్మింగ్‌పూల్ వద్ద ఈ దృశ్యం కన్పించింది.
ఎండలో తిరగడం వల్ల మోము నల్లబారకుండా, అతినీలలోహిత కిరణాల ప్రభావం లేకుండా, ఈతకొట్టేటపుడు జెల్లీఫిష్‌వంటి వాటివల్ల ప్రమాదం కలగకుండా ఉండేందుకు వాడే మాస్క్‌లను ఫేస్కిని అంటారు. చైనాలో ఎక్కువగా వీటిని వాడతారు. వివిధ రంగుల్లో ఉండే ఈ మాస్క్‌లు మెత్తగా, వాటర్‌ప్రూఫ్‌గా ఉంటాయి. క్వింగ్డొ నగరంలో ఓ వ్యక్తి ఇలా ఫేస్కిని మాస్కోతో అందరినీ ఆకట్టుకున్నాడు.
కళాకారుల ఆలోచనలు విభిన్నంగా ఉంటాయి. ఫ్రాన్స్‌కు చెందిన ఆర్ట్ ఫొటోగ్రాఫర్ ‘జెఆర్’ ఆలోచనలూ అలాంటివే. ఒలింపిక్ కమిటీ ఆహ్వానం మేరకు ఈ మధ్య రియోడిజెనీరో వెళ్లిన ఆయన తను తీసిన ఫొటోలను, ప్రఖ్యాత పర్యాటక ప్రాంతాలవద్ద ఇలా కళాఖండాలుగా తీర్చిదిద్దాడు. ప్లాస్టర్, బ్లాక్ అండ్ వైట్ ఫొటోలతో వీటిని రూపొందించాడు. ఈ కళలో ఇతను ప్రపంచ ప్రఖ్యాతిగాంచాడు.
ఈమె రంగురంగుల కురుల సుందరి. సామాజిక మాధ్యమం ఇన్‌స్టాగ్రామ్‌లో ఆమె ఇప్పుడో సంచలనం. రంగుల్లో సింగారించుకున్న ఆమె పొడవైన కురులే ఆమెకు ఆ పేరు తెచ్చిపెట్టాయి. ఈమె శిరోజాల పొడవు నాలుగు అడుగులు. అతిపెద్దవైన ఆ కురులకు కాస్త విభిన్నమైన రంగులద్ది, జాగ్రత్తగా అలంకరించుకుని ఇలా ప్రదర్శనలివ్వడం ఆమెకు అలవాటు. ఇలా తీసుకున్న వేలాది చిత్రాలను ఇన్‌స్టాగ్రామ్‌లో పోస్ట్ చేయడం ఆమెకు మరింత ఇష్టం.
మ్యూజియం నోరూరించడం ఏంటని అనుకోకండి. న్యూయార్క్‌లో విభిన్నమైన ఆలోచన వచ్చిన కొందరు ఐస్‌క్రీమ్ మ్యూజియం ఏర్పాటు చేశారు. ప్రపంచంలో లభ్యమయ్యే రకరకాల ఐస్‌క్రీమ్‌లు, చాక్‌లెట్లు, డిసర్ట్‌లు ఇక్కడ అందుబాటులో ఉంచారు. ఆ మ్యూజియం లోపల ఏం చూసినా ఐస్‌క్రీమ్ థీమ్‌కు అనుగుణంగా ఉంటాయి. కోన్ ఐస్‌క్రీమ్‌లకు ఈ మ్యూజియం పెట్టింది పేరు. కేవలం నెలరోజులపాటు దీనిని నిర్వహిస్తారు.
బ్రిటన్‌లో జాన్ రౌలీ అనే వ్యక్తి తన పల్లెటూర్లో కారులో వెడుతూంటే ఓ చెట్టు కన్పించింది. ఆ చెట్టును చూస్తే ఎవరినో చూసినట్లు అన్పించింది. ఆలోచనలో పడ్డాడు. తళుక్కున ఆలోచన మెరిసింది. అమెరికా అధ్యక్ష పదవికి రిపబ్లికన్ పార్టీ అభ్యర్థిగా పోటీ పడుతున్న డొనాల్డ్ ట్రంప్ రూపం గుర్తొచ్చింది. అచ్చం అతని శిరస్సులా ఆ చెట్టు కన్పించింది. వెంటనే ఓ ఫొటో తీసి సామాజిక మాధ్యమంలో వదిలాడు.
గోడలపై బొమ్మలు వేయడం ఓ కళ. ఒలింపిక్స్ జరుగుతున్న బ్రెజిల్‌లోని పోర్టొ మరవిల్లలో ప్రఖ్యాతిగాంచిన గ్రాఫిటి కళాకారుడు ఎడ్యూర్డొ కొబ్ర తన కుంచెకు పనిచెప్పాడు. ఒకే ఒక కళాకారుడు వేసిన అతిపెద్ద గ్రాఫిటీగా వేసిన ఈ కుడ్యచిత్రం ఇప్పుడో పెద్ద ఆకర్షణగా మారిపోయింది. దీనికి ‘ఎట్నియాస్’ అని పేరుపెట్టారు. ఈ బొమ్మతో ఓ వీధిగోడంతా నిండిపోయింది.
తెలంగాణ రాజధాని హైదరాబాద్‌లో ఈ మధ్య నిర్వహించిన బోనాలు ఉత్సవంలో అమ్మవారిగా అలంకరించుకుంటున్న ఈ భక్తుడి పేర కొరాకుల మునీష్. నగరంలోని అక్కన్నమాదన్న మల్లికార్జున ఆలయంవద్ద మేకప్‌తో ఇలా సిద్ధమయ్యాడు.