ముఖం కన్పించకుండా చెట్లు లేదా తెరవెనుక నించుని తొంగి చూస్తూ ఎక్కడున్నానో చెప్పుకో అంటూ చిన్నపిల్లలు ఆడే దొంగాట తెలుసుగా.. ఇదిగో ఇక్కడ కన్పిస్తున్న ఓ గుడ్లగూబ ముఖం కనీకన్పించకుండా చటుక్కున ఎగిరి వచ్చి ఆహారాన్ని తన్నుకుపోయే ప్రయత్నంలో ఉంది. తన రెక్కలను ముఖానికి అడ్డుగా వచ్చేటట్లు విసురుతూ మాటువేసి దెబ్బతీయడం ఈ పక్షుల ప్రత్యేకత. పైగా మిగతా పక్షులు ఎగిరినప్పుడు రెక్కల చప్పుడు వినిపిస్తుంది.

న్యూయార్క్‌లోని క్రొటన్ అండ్ హడ్సన్ ప్రాంతంలోని నదీతీరంలో ఏటా జరిగే ‘గ్రేట్‌జాక్ ఒ’లాంటర్న్ బ్లేజ్’ వేడుకలు జరగడం ఆనవాయితీ. దాదాపు 7వేల గుమ్మడి పండ్లను కళాఖండాలుగా తీర్చిదిద్ది వాటికి వెలుగదివ్వెలను అమర్చి అద్భుత కళాకాంతులు వెదజల్లేలా చేయడం ఈ వేడుకలో భాగం. విచిత్ర వేషధారణలు, వివిధ చిత్రాలు, సీరియల్స్‌లోని పాత్రలు, దెయ్యాలు, భూతాల రూపాల్లో వీటిని తీర్చిదిద్ది ప్రదర్శించడం ఈ వేడుకలో ఆకర్షణ.

అమెరికా సరిహద్దు దేశమైన మెక్సిలో ఒక సంప్రదాయం ఉంది. ఏటా అక్టోబర్ 31న ‘డే ఫర్ డెడ్’ కార్యక్రమాన్ని నిర్వహిస్తారు. మరణించిన తమవారిని గుర్తు చేసుకుంటూ వారికి నివాళి అర్పించడం ఈ కార్యక్రమంలో విశేషం. అయితే మరణించినవారి ఆత్మకు శాంతి కలగాలని, ఊర్ధ్వలోకంలో వారి ప్రయాణం సాగిపోవాలని కాంక్షిస్తూ వారి బంధువులు, సన్నిహితులు కలుసుకుంటారు. విందు నిర్వహిస్తారు.

థాయ్‌లాండ్‌కు ఏనుగులకు అవినాభావ సంబంధం ఉంది. అక్కడ ఉన్నన్ని తెల్లఏనుగులు మరే దేశంలోనూ ఉండవు. థాయ్ రాజు భూమిబల్ అతుల్యదేవ్ కొద్ది సంవత్సరాల క్రితం మరణించారు. ఆయన వర్థంతి సందర్భంగా ఇలా ఏటా తెల్ల ఏనుగులను వరుసగా నిలబెట్టి నివాళి అర్పించడం సంప్రదాయంగా మారింది. ప్రఖ్యాత పర్యాటక ప్రాంతం అయట్టయలో ఈ కార్యక్రమం నిర్వహించారు. అక్కడి ప్రజలకు రాజంటే ప్రాణం.