S ,7 à 8 RSCA (si SASPAS) et 6 cialis pharmacie cialis rapports de stage.

అక్షరాలోచనాలు!

08/18/2017 - 20:48

మా దేశం ఒంటినిండా
వింతలు విశేషాల రాసులు
గుసగుసలు - రుసరుసలు
చెట్టాపట్టా లేసుకుంటాయి
వచ్చీపోయే ప్రతి పండుగ జాతర
మా సంస్కృతికి పునర్నవీకరణ
ప్రజాస్వామ్యం వైవిధ్యాలు
ఉద్యమాలకు ఊపిరిలూదుతుంటాయి
ప్రగతి రథాన్ని పటిష్ఠ పథములో
నడిపిస్తూ మెరిపిస్తుంటాయి
స్వేచ్ఛా యామిని దరహాసములోని
మురిపాల తళుకుల ప్రతిబింబాలు

08/18/2017 - 20:47

మొంగరంలా భ్రమణం..
సమూహాల చుట్టూ!
మెరుపుతీగ బంధమేదో వుంది
రహస్యమిదే!!

ఉన్మాదులై వీధుల్లో తిరుగుతున్న
ఈ అభాగ్యులెవరు?
ప్రేమ పరిమళం కళ్లాపు చల్లిన
హృదయాల్తో, ఆనందడోలికల్లో
నిండుగా గడపాల్సిన కాలమంతా
అయ్యో... వీధి పాలవుతుందే?!

నగరమంతా జనసంద్రమ్
మరి ఒక్కొక్కరు
అనాధలై
అభాగ్యులై
అశాంతులై
ఏమిటీ జీవితం!

08/18/2017 - 20:46

దిగ్భ్రాంతిలోంచి
ఇప్పుడే తేరుకున్నాను
ఆ నదిలోంచి
దోసెడు నీళ్లు తీసుకుని
తలపై చల్లుకున్నాను
తెలివొచ్చిన నాకు
అక్కడొక పెద్ద చేయి
కనిపించింది.
ఎన్నో లేత వీపుల్ని తట్టి
కవిత్వంలోకి నెట్టిన
ఆకాశమంత చేయి అది.
అదొక జీవిత నదిలా
కనిపించింది.
జీవిత చరమాంకం వరకూ
తెలుగు కవితా నేలను
సస్యశ్యామలం చేస్తూ

08/18/2017 - 20:45

ప్రేమగ నాతో - చేరిన చాలును
నిలువగ నీ దరి - కోరిన చాలును

కమ్మెను వలపుల - మేఘం తానై
ఒకపరి తలపుల - దూరిన చాలును

వరమే నీవనె - ఆశలు ఇంకెను
ప్రాణము నీవుగ - మారిన చాలును

జన్మలు నీకై - ఎత్తగ లేనిక
జీవిక ఈ గతి - పోరిన చాలును

రాధా మాధవ - వినవా కృష్ణా!
మదిలో మధువై - వొలికిన చాలును

08/18/2017 - 20:43

ప్రశ్నించాలని ఉంది
ఈ నవ నవీన సమాజాన్ని?
అసలు భగవంతుడు మనిషిని సృష్టించాడా?
లేక మనిషిని భగవంతుడు సృష్టించాడా?
జ్ఞానం వున్న మనిషి తప్ప
ఏ జీవి భగవంతుడిని తలవనప్పుడు?
ఏ జీవికి భగవంతుడు
అవసరం లేనప్పుడు?
భగవంతుడు ఎక్కడ పుట్టాడు?
మనిషి తలపులోనా?
భగవంతుడికి రూపాన్ని ఇచ్చిన పాపం
మనదే అనాలనిపిస్తుంది?
కులం కులం?
మతం మతం??

08/18/2017 - 20:42

ఒంటరి గదిలో ఒక్కడిగానే ఉంటాను
బయటకి వెళ్లినప్పుడు
బాహ్య ప్రపంచం నన్నావరిస్తుంది
లౌకిక ప్రయోజనాలకు
పిచ్చిపిచ్చి ఆలోచనకు
లోనైపోతుంటాను.
ఒక్కొక్కప్పుడు ఒంటరి గదిలో
ఒక్కడినే ఉంటుంటాను
నాకెదురుగా నా కవులున్నారు
వారికి నీరాజనం సమర్పిస్తాను
నాతో వారు మాటాడుతున్న అనుభూతి
నాకేదో సూచనలేస్తున్న స్ఫూర్తి

08/18/2017 - 20:40

ఆమె
తూర్పున ఉదయిస్తున్న
నులివెచ్చని రవిబింబం

అవనిపై
గలగల పారుతున్న
అభిసారిక లాంటి సెలయేరు

ఆహ్లాదపరచే
తొలకరి చినుకుల్లోని
సన్నని నీటి తుంపర

నేలపై పరచిన
పచ్చని పంటల తివాచి

ఉదయానే్న
పచ్చికపై దొర్లుతున్న
తుషార బిందువులోని
ఇంద్రధనస్సు.
*

08/11/2017 - 23:31

ప్రతిబింబం
* అలలేని
కొలనులో
శిలలా
జాబిలి

హోళీ
* చిక్కినట్టే చిక్కి
తప్పించుకుంది
తుమ్మెద
వేళ్లకు రంగులు పూసి

హరివిల్లు
* నింగిదార్లో
రంగులొలికాయి
నేల మీది
చూపులు
పరుగెత్తాయి.

తారలు
* నింగి పుష్పాలకు
ఒకే వర్ణం
పరిమళించవు
ప్రకాశిస్తాయి

08/11/2017 - 23:30

నడుస్తూ నడుస్తూ కొలుస్తూ పోతే
నా దారి పొడవు.. నూరేళ్లు
ప్రియా,
నిన్ను తలుస్తూ తలుస్తూ మెరుస్తూ
మైమరుస్తూ పోతే...
ఏడేడు జన్మాలూ, ఓ గుప్పెడు క్షణాలే.

08/11/2017 - 23:28

సీతాకోక రెక్కలతో ఎగిరే
రంగుల ముగ్ధ మోహనత!
హరివిల్లులా విరబూసే
అందాల అద్దకపు కలనేత!

చీరంటే మన దేశ చరితకు ముఖచిత్రిక
చీరంటే మగువ మనసుకు భావ గీతిక
చీరంటే ప్రతి కంటికి ప్రశాంత వీచిక

అమ్మమ్మ కడితే తరతరాల కలబోత
అమ్మ కడితే అనురాగాల ఆప్యాయత
అమ్మాయి కడితే వలపుల పూదోట
పాపాయి కడితే పాలనవ్వుల దొంతర

Pages