నాంపల్లి, జూలై 24: తెలంగాణ ప్రభుత్వం ఏర్పడిన తరువాత రెండేళ్ళలోనే ముఖ్యమంత్రి చంద్రశేఖర్‌రావు గట్టి సంకల్పంతో అభివృద్ది మంత్రంగా పనిచేస్తున్నాడని, ఆయన అడుగుజాడల్లో నడుస్తూ గ్రామాలన్నీ అభివృద్ది చేయడమే లక్ష్యంగా ప్రభుత్వం పనిచేస్తుందని మునుగోడు శాసనసభ్యులు కూసుకుంట్ల ప్రభాకర్‌రెడ్డి అన్నారు. ఆదివారం మండలంలోని స్వాములవారి లింగోటం, పస్నూరు గ్రామాలలో వివిధ అభివృద్ది పనులకు శంఖుస్ధాపన చేశారు.

మేళ్లచెర్వు, జూలై 24: వచ్చే నెల 12నుండి ప్రారంభమయ్యే కృష్ణా పుష్కరాలకు వచ్చే భక్తులకు ఎలాంటి అసౌకర్యాలు కలగనివ్వమని జిల్లా ఎస్పి ప్రకాశ్‌రెడ్డి అన్నారు. మండలంలోని కిష్టాపురం, వజినేపల్లి, బుగ్గమాధారం పుష్కరఘాట్లను ఆదివారం ఆయన పరిశీలించారు. వాహన వోల్డి ప్రదేశాలు, పార్కింగ్ ప్రదేశాలు, పోలీస్ కంట్రోల్ రూమ్ ఏర్పాట్లు ట్రాఫిక్ తదితర అంశాలపై అధికారులతో చర్చించారు.

చింతపల్లి, జూలై 24: మానవ మనుగడకు మొక్కలే ఆధారమని జిల్లా పరిషత్ చైర్మన్ నేనావత్ బాలునాయక్ అన్నారు. మండల కేంద్రంలోని షిరిడీ సాయిబాబా ఆలయ ఆవరణలో ఆదివారం ఎమ్మెల్యే ఎర్రబెల్లి దయాకర్‌రావుతో కలసి మొక్కలు నాటారు. హరితహారంలో భాగంగా మొక్కలు నాటే కార్యక్రమంలో ప్రతి ఒక్కరు భాగస్వాములు కావాలని సూచించారు. మొక్కలు నాటినప్పుడే వర్షాలు బాగా కురుస్తాయని పేర్కొన్నారు.

అక్షరం మాతృభాష మాధుర్యం తాగించింది
పరభాష ఔన్నత్యం చూపించింది
మేనాలో మేఘాలపై వూరేగించింది
సముద్రాన్ని లంఘించి దాటించింది!
కోకిల సుధాగీతానికి
పావురాయి కుహుకుహు రాగానికి
అక్షర విన్యాసం వుంది
పరదేశంలో స్వదేశాన్ని పొగిడినా
స్వదేశీలో పరదేశాన్ని కీర్తించినా
అక్షర ప్రఖ్యానమే!
అక్షరానికి ఎల్లల్లేవు
ఐక్యరాజ్యసమితిలో అక్షరం ప్రబలితే