విశాఖపట్నం, జూలై 23: రాష్ట్రానికి మేలు చేస్తామని ప్రజలు భావించడం వల్లే మనకు అధికారాన్ని కట్టబెట్టారని, వారి నమ్మకాన్ని నిలబెట్టే విధంగా కార్యకర్తలు పనిచేయాలని టిడిపి అధినేత, ముఖ్యమంత్రి చంద్రబాబు నాయుడు అన్నారు. పోర్టు కళావాణి ఆడిటోరియంలో శనివారం జరిగిన పార్టీ కార్యకర్తల సమావేశంలో మాట్లాడుతూ దివంగత నేత ఎన్‌టిఆర్ పార్టీని స్థాపించి జాతీయ రాజకీయాలను శాసించే స్థాయికి తీసుకెళ్లారని అన్నారు.

శ్రీకాకుళం, జూలై 23: జిల్లాలో వైద్యం అందని ద్రాక్షగా మారింది. మారుమూల గిరిజన ప్రాంతాలైతే మరీ నిర్లక్ష్యం. కనీసం ప్రశ్నిస్తామంటే ప్రజాప్రతినిధులను సమీక్షలకు పిలవరు. కొన్ని ప్రాంతాల్లో నేటికీ సంచివైద్యంపై ఆధారపడి కుటుంబ నియంత్రణ చేయించుకుంటున్నారంటే నమ్ముతారా? ఎపుడు మీరు మారుతారు అంటూ పాలకొండ ఎమ్మెల్యే విశ్వసరాయి కళావతి తనదైన రీతిలో వైద్యాధికారుల సమీక్షా సమావేశంలో మండిపడ్డారు.

నెల్లూరు, జూలై 23: దక్షిణ మధ్య రైల్వే జోన్‌లో రైల్వే శాఖకు ఆదాయం అందించే జిల్లాలో విజయవాడ తర్వాతి స్థానం నెల్లూరు జిల్లాది. అంతటి ప్రాధాన్యం కలిగిన నెల్లూరుకు రైల్వే కేటాయింపుల్లోనూ, కొత్త రైళ్ల ఏర్పాటు, హాల్టింగ్ వంటి విషయాల్లోనూ ఎప్పుడూ రైల్వే బడ్జెట్‌లో నిరాశే ఎదురవుతోంది.

కర్నూలు, జూలై 23:గుర్తింపునకు నోచుకోకుండా ఉన్న సప్తనదీ సంగమేశ్వరంపై అధికారుల దృష్టి పడింది. సంగమేశ్వరంలో జరుగుతున్న కృష్ణా పుష్కర పనులను ఉన్నతాధికారులు పరిశీలిస్తూ పనుల వేగం, నాణ్యతను పెంచేందుకు తీశ్రంగా శ్రమిస్తున్నారు. కలెక్టర్ విజయమోహన్ ఇంతవరకూ సంగమేశ్వరంలో పర్యటిస్తూ పనులు జరుగుతున్న తీరును పరిశీలించగా పుష్కరాల ప్రత్యేకాధికారి అనంతరాము సైతం సంగమేశ్వరాన్ని సందర్శించారు.