భూదాన్ పోచంపల్లి, జూలై 23 : మండల పరిధిలోని పిల్లాయిపల్లి గ్రామం పిల్లాయిపల్లి సర్వే పనులను శనివారం నీటి పారుదల శాఖ చీఫ్ ఇంజనీర్ సురేష్‌కుమార్ పరిశీలించారు. ఇటీవల ముఖ్యమంత్రి పిల్లాయిపల్లి, ధర్మారెడ్డి, బునాదిగాని కాల్వపనులకు 350కోట్లు ప్రకటించారని, ఈ కాల్వ సర్వే పనులకు 1 కోటి 23 లక్షలు విడుదల చేశారని ఆయన పేర్కొన్నారు.

అలంపూర్, జూలై 23: తెలంగాణకు హరితహారం అంటే భూమాతకు మణిహారం లాంటిదని మంత్రి జూపల్లికృష్ణారావు అన్నారు. పట్టణంలోని పోలీస్‌స్టేషన్, బస్టాండ్ ఆవరణలో మంత్రి జూపల్లి కృష్ణారావు, మాజీ ఎంపి మంద జగన్నాథంలు మొక్కలను శనివారం నాటారు. ఈ సందర్భంగా మంత్రి జూపల్లి మాట్లాడుతూ రాష్ట్రాన్ని హరితవనంలా తీర్చిదిద్దాలని పిలుపునిచ్చారు.

మేడ్చల్, జూలై 23: మేడ్చల్‌లో డెంగీ వ్యాధి మళ్లీ విజృంభిస్తోంది. సీజనల్ వ్యాధుల ఫలితమో లేక పారిశుద్ధ్య నిర్వహణ లోపమో తెలియదు కానీ గత కొన్ని రోజలుగా వివిధ రకాల వ్యాధులు జ్వరాలతో ఆసుపత్రులు రోగులతో కిటకిటలాడుతున్నాయి. పట్టణంలోని ఏకలవ్య నగర్ చెందిన లక్ష్మన్(38) అనే వ్యక్తి వారం రోజుల క్రితం జ్వరం రావడంతో వైద్య పరీక్షలు నిర్వహించగా డెంగీ అని తెలింది.

హైదరాబాద్, జూలై 23: హరితహారం కార్యక్రమంలో భాగంగా ప్రత్యేక అధికారులు తమకు కేటాయించిన లక్ష్యాలను అధిగమించేందుకు ప్రజాప్రతినిధులను భాగస్వాములను చేయాలని రాష్ట్ర రవాణా శాఖ మంత్రి పి. మహేందర్‌రెడ్డి తెలిపారు. జిల్లా పరిషత్ పరిషత్ సమావేశం మందిరంలో శనివారం హరితహారం కార్యక్రమంపై జిల్లాలోని శాసన సభ్యులు, జిల్లా అధికారులు, ప్రత్యేక అధికారులతో మంత్రి సమీక్షా నిర్వహించారు.