హైదరాబాద్, జూలై 23: ప్రముఖ ఆటోరంగ సంస్థ హ్యుందాయ్ యువ ఇంజనీర్లకు పెద్దపీట వేస్తోంది. ఇక్కడి హైటెక్ సిటీ సమీపంలోని హ్యుందాయ్ ఆర్‌అండ్‌డి సెంటర్‌లోకి 50 మంది కొత్త ఇంజనీర్లను తీసుకుంది. ఇప్పటికే ఇక్కడ 750 మంది ఇంజనీర్లు పనిచేస్తుండగా, దేశవ్యాప్తంగా వివిధ ఇంజనీరింగ్ కాలేజీల నుండి క్యాంపస్ రిక్రూట్‌మెంట్ ద్వారా కొత్తవారిని ఎంపిక చేసినట్లు ఓ ప్రకటనలో శనివారం సంస్థ తెలిపింది.

ముంబయి, జూలై 23: ఇప్పుడిక కార్ల వంతు.. బ్యాంకుల నుంచి వేల కోట్ల రూపాయలను రుణంగా తీసుకుని, వాటిని చెల్లించకుండా విదేశాలకు పారిపోయిన విజయ్ మాల్యా కార్లను బకాయిల వసూళ్లలో భాగంగా బ్యాంకర్లు అమ్మకానికి పెడుతున్నారు. ప్రభుత్వరంగ బ్యాంకింగ్ దిగ్గజం ఎస్‌బిఐ నేతృత్వంలోని 17 బ్యాంకుల కూటమికి మాల్యా, ఆయన నేతృత్వంలోని కింగ్‌ఫిషర్ ఎయిర్‌లైన్స్ 2014 జనవరి 31 నాటికి బకాయిపడింది 6,963 కోట్ల రూపాయలుగా ఉంది.

విజయవాడ, జూలై 23: పోలీస్ శాఖలో కేవలం 60 రోజుల్లోనే చూడదగ్గ మార్పులు ప్రజలకు కనిపించేలా తాను చర్యలు చేపట్టనున్నానని ఇన్‌చార్జి డిజిపి నండూరి సాంబశివరావు స్పష్టం చేశారు. శనివారం మధ్యాహ్నం డిజిపి క్యాంప్ కార్యాలయంలో జెవి రాముడు నుంచి బాధ్యతలు స్వీకరించిన తదుపరి పోలీస్ ఉన్నతాధికారులు, 13 జిల్లాల ఎస్పీలతో వివిధ అంశాలను సమీక్షించారు.

గాజువాక, జూలై 23: ప్రత్యేక తరహాలో రూపొందించిన డ్రైవ్ ఇన్ థియేటర్ (కంటైనర్ థియేటర్)ను ఎపి సిఎం చంద్రబాబునాయుడు విశాఖలో శనివారం ప్రారంభించారు. సుమారు రూ.35 లక్షల వ్యయంతో కంటైనర్‌లో అత్యాధునిక సదుపాయాలతో థియేటర్‌ను ఎస్‌టిబిఎల్ సంస్థ రూపొందించింది. గ్రామీణ ప్రాంతాల్లో మూతబడుతున్న సిన్మా హాళ్లను దృష్టిలో ఉంచుకుని, దీన్ని రూపొందించినట్టు సంస్థ యజమాని వీరభద్రరావు సిఎం చంద్రబాబుకు వివరించారు.