విజయవాడ, జూలై 23: రాష్ట్రంలో సుమారు 2కోట్ల ఎకరాల భూమి సాగుకు అనువుగా వున్నందున ఈ ఏడాది వ్యవసాయ పంటల ఉత్పాదకతలో రాష్ట్రం దేశంలోనే ప్రథమ స్థానంలో నిలిచేలా లక్ష్యాన్ని నిర్దేశించుకోవాలని ముఖ్యమంత్రి చంద్రబాబు అధికారులను ఆదేశించారు. ప్రధానమంత్రి పంటల బీమా యోజన, వ్యవసాయ రుణాలు, ఇతర అంశాలపై ఆయన శనివారం వివిధ శాఖల అధికారులతో వీడియో కాన్ఫరెన్స్ నిర్వహించారు.

విశాఖపట్నం, జూలై 23: ప్రభుత్వానికి ఆర్థికంగా లబ్ధి చేకూరుతుందంటే సదావర్తి భూములకు మళ్లీ టెండర్లు పిలిచేందుకు ప్రభుత్వం సిద్ధమేనని ఎపి సిఎం చంద్రబాబునాయుడు స్పష్టం చేశారు. విశాఖలో శనివారం జరిగిన పార్టీ సమావేశంలో మాట్లాడుతూ పక్క రాష్ట్రంలో ఆక్రమణలపాలైన సదావర్తిసత్రం భూములను ఎలా ఉన్నవి అలాగే తీసుకునే ఒప్పందం ప్రకారం వేలం వేశామన్నారు.

గుంటూరు, జూలై 23: కృష్ణాజలాల పంపిణీలో రెండు తెలుగు రాష్ట్రాలకు తీరని అన్యాయం జరుగుతోందని ఏపి జలవనరులశాఖ మంత్రి దేవినేని ఉమామహేశ్వరరావు ఆవేదన వ్యక్తం చేశారు. ప్రస్తుతం ఎగువన పుష్కలంగా వర్షాలుకురిసి వరద నీరు ఉన్నప్పటికీ దిగువకు నీటి విడుదల విషయంలో కర్నాటక, మహారాష్ట్ర ప్రభుత్వాలు నిర్లక్ష్యంగా వ్యవహరిస్తున్నాయని ధ్వజమెత్తారు. శనివారం జలవనరులశాఖ చీఫ్ ఇంజనీరు కార్యాలయంలో మంత్రి మీడియాతో మాట్లాడారు.

విజయవాడ, జూలై 23: ప్రజా సాధికారిక సర్వేలో క్షేత్రస్థాయిలో ఉత్పన్నమవుతున్న సమస్యలను ఎన్యూమరేటర్లు, పర్యవేక్షకులకు ఎప్పటికప్పుడు తెలిపేందుకై విజయవాడ సబ్ కలెక్టర్ కార్యాలయంలో రాష్టస్థ్రాయిలో కమాండ్ కంట్రోల్ రూంను ప్రారంభించారు. ఇక్కడ సిబ్బంది రెండు షిఫ్టులలో పనిచేయటంతోపాటు 24 గంటలు కంట్రోల్ రూం ద్వారా సేవలు అందిస్తారని, ఎన్యూమరేటర్లకు టోల్ ఫ్రీ నెంబర్ కూడా సమకూర్చామని కలెక్టర్ బాబు.ఎ తెలిపారు.