హాస్య రసాధిదేవతకు హారతి పళ్లెం పట్టిన హాస్య నట చక్రవర్తి -రేలంగి. వెకిలి చేష్టలు, వికృత సంభాషణలకు తావివ్వకుండా ఆరోగ్యకరమైన హాస్యాన్ని చక్కని టైమింగ్‌తో విందు భోజనంలా ప్రేక్షకులకు అందించిన నవ్వులరేడు. రేలంగి లేకపోతే తెలుగు సినిమా లేదన్నంత స్థాయికి చేరి పద్మశ్రీ అందుకున్న తొలి తెలుగు హాస్యనటుడు.

నీల గగన ఘనశ్యామా/ ఘన శ్యామా దేవా/ నీల గగన ఘన శ్యామా.. హాని కలిగితే అవతారాలను పూని బ్రోచునదీ నీవేకావా.. చదువులు హరించి అసురండేగిన జలచరమైతివి ఆగమ రూపా/ వేద నిధులనే విధాత కొసగిన ఆదిదేవుడవు నీవేకావా.. కడలి మదించగ కదిలే నగమును వెడలి కూర్మమై వీపున మోసి/ అతివ రూపమున అమృతము గాచిన ఆదిదేవుడవు నీవేకావా.. సుజనుల కోసము ఎపుడే వేషము ధరియించెదవో తెలియగ నేరము/ పెండ్లికొడుకువై వెడలినాడవు ఎందులకొరకో హే జగదీశా..

లవకుశ ఫేం ఎ.శంకరరెడ్డి లలితా పిక్చర్స్ బ్యానర్ క్రింద నిర్మించిన, తాతినేని ప్రకాశరావు దర్శకత్వం వహించిన చిత్రం ‘చరణదాసి’ (1956) రవీంద్రనాథ్ టాగూర్ వ్రాసిన ‘ది రెక్’ నవల ఆధారంగా రుూ చిత్రాన్ని నిర్మించారు. యన్.టి.రామారావు, అక్కినేని నాగేశ్వరరావు, అంజలిదేవి, సావిత్రి, కృష్ణకుమారి, షావుకారు జానకి, రేలంగి వంటి మేటి తారాగణమంతా నటించటంవల్ల యిది ఒక మల్టీస్టారర్ చిత్రం.

పెళ్లినాటి ప్రమాణాలు సినిమాలో -వెనె్నలలోనే వేడియేలనో అంటూ కొత్త దంపతుల విరహాగ్నిని వివరిస్తూ పింగళి కళం ఓ అద్భుతాన్ని ఆవిష్కరించింది. పింగళి రచనను అభేరి రాగంలో ఘంటసాల రమణీయంగా స్వరాలద్దారు. లీలతో కలిసి ఆలిపిస్తే, తెరమీద నాగేశ్వరరావు, జమునల తొలి కాపురపు ముచ్చట్లను దర్శకుడు కెవి రెడ్డి అద్భుతంగా చిత్రీకరించారు. కవి హృదయం కమనీయంగా వివరించే గీతమిది.