6న కేంద్ర మంత్రి ప్రకాశ్‌జవదేకర్ జిల్లా పర్యటన

ఉరవకొండ, మే 30:కేంద్ర మంత్రి ప్రకాశ్ జవదేకర్, కర్నాటక మాజీ ముఖ్యమంత్రి యడ్యూరప్ప జూన్ 6న జిల్లా పర్యటన చేపడుతున్నారని, ఈ పర్యటనను విజయవంతం చేయాలని బిజెవైఎం నియోజకవర్గ అధ్యక్షులు రమేష్ సోమవారం ఒక ప్రకటనలో తెలిపారు. బిజెపి ప్రభుత్వం అధికారంలోకి వచ్చి రెండేళ్లు పూర్తయిన సందర్భంగా దేశ వ్యాప్తంగా వికాశ్‌పర్వ కార్యక్రమం చేపడుతున్నదన్నారు. ఈ నేపథ్యంలో కేంద్ర ప్రభుత్వం ఎపికి అందించిన ఆర్థిక సహాయం, కేంద్రప్రభుత్వం చేపడుతున్న సంక్షేమ పథకాలపై ప్రజల్లోకి తీసుకువెళ్లుతున్నట్లు ఆయన తెలిపారు. ఇందులో బిజెవైఎం మండల ఉపాధ్యక్షులు బాలకృష్ణ పాల్గొన్నారు.