S ,7 à 8 RSCA (si SASPAS) et 6 cialis pharmacie cialis rapports de stage.

అంతర్జాతీయం

12/14/2018 - 02:53

బమాకో, డిసెంబర్ 13: ఈశాన్య మాలీ సరిహద్దులో సాయుధ దళాలు జరిపిన విచక్షణారహిత కాల్పుల్లో డజన్ల కొద్దీ పౌరులు మరణించారు. నిగర్ సరిహద్దులోని ఈ ప్రాంతంలోని ఇళ్లపై దాడులు జరిపిన ఆగంతక ముఠా సభ్యులు పెద్ద సంఖ్యలో పౌరుల్ని కాల్చిచంపారని అధికారులు గురువారం తెలిపారు. గత కొన్ని రోజులుగా జిహాదీ హింసాకాండతో అట్టుడుకుతున్న ప్రాంతంలోనే ఈ దాడి జరిగిందని వెల్లడించారు.

12/14/2018 - 02:30

కాటోవైస్ (పోలాండ్), డిసెంబర్ 13: పర్యావరణం, వాతావరణ మార్పులకు సంబంధించి ఖరారైన పారిస్ ఒప్పందం విషయంలో రాజీలేదని, వీటిపై తదుపరి సంప్రదింపులు ఉండబోవని భారత్ స్పష్టం చేసింది. అభివృద్ధి చెందిన, అభివృద్ధి చెందుతున్న దేశాల మధ్య ఉన్న సమతౌల్యం దశను యదావిధిగా కొనసాగించాలని భారత్ పేర్కొంది. సమానత్వం, ఉమ్మడి బాధ్యత అనేవి కొనసాగాలని భారత్ పర్యావరణ శాఖ అదనపు కార్యదర్శి ఏకే మెహతా పేర్కొన్నారు.

12/14/2018 - 01:25

కొలంబో, డిసెంబర్ 13: శ్రీలంక పార్లమెంటును రద్దు చేయడం రాజ్యాంగ విరుద్ధమని సుప్రీంకోర్టు సంచలన తీర్పును వెలువరించింది. ఈ విషయంలో దేశాధ్యక్షుడు మైత్రిపాల సిరిసేన చర్యను కోర్టు తప్పుబట్టింది. పార్లమెంటు కాలపరిమితి నాలుగున్నర సంవత్సరాలని, ఇది పూర్తయ్యేవరకు పార్లమెంటును రద్దు చేసే అధికారం అధ్యక్షుడికి లేదని కోర్టు పేర్కొంది. గురువారం సుప్రీంకోర్టు ఈ తీర్పు ఇచ్చింది.

12/13/2018 - 02:22

నే పి తావ్, డిసెంబర్ 12: మైన్మార్ రైతుల కోసం రూపొందించిన మొబైల్ యాప్‌ను భారత రాష్ట్రపతి రామ్‌నాథ్ కోవింద్ బుధవారం ఇక్కడ ఆవిష్కరించారు. వ్యవసాయ పరిశోధనలు, విద్యకు సంబంధించి అనేక అంశాలు యాప్‌లో పొందుపరిచారు. ఇరుదేశాల మధ్య ద్వైపాక్షిక సంబంధాలు మరింత బలోపేతం కావడానికి ఇలాంటి కార్యక్రమాలు దోహదపడతాయని రాష్ట్రపతి స్పష్టం చేశారు.

12/10/2018 - 04:00

బీజింగ్, డిసెంబర్ 9: ఈ నెల 11వ తేదీన భారత్, చైనా దేశాలు ఉమ్మడిగా మిలిటరీ విన్యాసాలను చైనాలోని చెంగ్డూ నగరంలో నిర్వహించనున్నాయ. ఈ విన్యాసాలు ఈ నెల 23వ తేదీ వరకు జరుగుతాయి. ఇరుదేశాల మధ్య ద్వైపాక్షిక సంబంధాల అభివృద్ధికి ఇది నిదర్శనమని చైనా రక్షణ మంత్రిత్వశాఖ ప్రతినిధి కల్నల్ రెన్ గోకీయాంగ్ చెప్పారు. ఉగ్రవాదం నిర్మూలన, ఇరు దేశాల మధ్య పరస్పర అవగాహన పెంపుదలకు ఈ విన్యాసాలు ఉపకరిస్తాయన్నారు.

12/09/2018 - 03:42

న్యూయార్క్, డిసెంబర్ 8: విరివిగా దొరికే క్యాబేజీని పోలిన లెట్టస్‌ను వాడవద్దని అమెరికా, కెనడా ప్రజలకు ఆరోగ్య విభాగం అధికారులు సూచిస్తున్నారు. కెనడాలోని అంటారియో, క్యూబెక్ ప్రావీన్స్‌తోపాటు అమెరికాలోని 11 రాష్ట్రాల్లో లెట్టస్ కారణంగా చాలా మంది విచిత్రమైన వ్యాధి బారిన పడుతున్నారని హెచ్చరించారు. కాగా, అమెరికాలో 32 మంది, కెనడాలో 18 మంది మృతికి ఒకే రకమైన వ్యాధి కారణమని వైద్య నిపుణులు గుర్తించారు.

12/09/2018 - 03:27

వాషింగ్టన్: భారత్, అమెరికా దేశాల మధ్య రక్షణ రంగంలో బలమైన సహకారం కొనసాగుతుందని రక్షణ శాఖ మంత్రి నిర్మలా సీతారామన్ అన్నారు. ఆమె అమెరికాలో ఇండో పసిఫిక్ కమాండ్ విభాగాన్ని సందర్శించారు. ఈ సందర్భంగా ఆమె మాట్లాడుతూ ఇరు దేశాల మధ్య రక్షణ రంగం, ప్రాంతీయ భద్రత విభాగాల్లో పరస్పర సహకారం ఉందన్నారు. వ్యూహాత్మంగా ఇరు దేశాలు భద్రత విషయంలో అడుగులు వేస్తున్నాయన్నారు. గత పదేళ్లుగా ఈ బంధం కొనసాగుతోందన్నారు.

12/09/2018 - 02:55

ఇస్లామాబాద్/వాషింగ్టన్, డిసెంబర్ 8: ముంబయి పేలుళ్ల సూత్రధారులు, నిందితుల విషయంలో ప్రభుత్వం ఒక నిర్ణయం తీసుకోవాల్సి ఉందని పాక్ ప్రధాని ఇమ్రాన్ ఖాన్ చెప్పారు. ఈ ఘటనకు బాధ్యులైన వారు పాకిస్తాన్‌లో ఉన్నట్లు దీంతో ఇమ్రాన్ ఖాన్ అంగీకరించినట్లయింది. భారత్‌తో శాంతి కావాలని కోరుకుంటున్నట్లు ఆయన చెప్పారు. టెర్రరిజానికి పాల్పడిన వారిని ప్రాసిక్యూట్ చేయాలని తమ ప్రభుత్వం భావిస్తున్నట్లు చెప్పారు.

12/09/2018 - 02:51

కొరినాల్డో (ఇటలీ), డిసెంబర్ 8: ఇటలీలోని నైట్‌క్లబ్‌లో శనివారం ఉదయం జరిగిన తొక్కిసలాటలో ఆరుగురు వ్యక్తులు మరణించారు. ఇందులో ఐదుగురు టీనేజీ వయస్సులో ఉన్న బాలబాలికలు ఉన్నారు. ఒక పాప్ మ్యూజిక్ కార్యక్రమంలో యువత మునిగి తేలుతున్న సమయంలో ఈ విషాదం చోటు చేసుకుంది. కొంత మంది పెప్పర్ స్ప్రే ఉపయోగించడం వల్ల ఆందోళనకు గురికావడంతో, క్లబ్‌లో గందరగోళం నెలకొంది.

12/09/2018 - 02:19

వాషింగ్టన్, డిసెంబర్ 8: అమెరికా అధ్యక్షుడు డొనాల్డ్ ట్రంప్ మరోసారి వాతావరణ మార్పును నిరోధించడానికి కుదిరిన పారిస్ ఒప్పందాన్ని తప్పుబట్టారు. పారిస్ ఒప్పందాన్ని తాను తిరస్కరించడం సరయినదేనని ఫ్రాన్స్ రాజధాని నగరంలో ప్రస్తుతం జరుగుతున్న ఆందోళనలు రుజువు చేశాయని శనివారం ఉదయం ఆయన సామాజిక మాధ్యమం ట్విట్టర్‌లో పోస్ట్ చేసిన ఒక సందేశంలో పేర్కొన్నారు.

Pages