రాజకీయ కక్షతో అరెస్టులు అన్యాయం

కాకినాడ: రాజకీయ కక్షలతో విపక్షపార్టీల కార్యకర్తలను తుని విధ్వంసకాండలో నిందితులుగా పేర్కొంటూ అరెస్టులు చేస్తున్నారని వైకాపా ఎమ్మెల్యే దాడిశెట్టి రాజా మంగళవారం ఆరోపించారు. ఈ రోజు సిఐడి పోలీసులు అరెస్టు చేసిన ఏడుగురిలో ఇద్దరు అమాయకులున్నారని ఆయన అన్నారు. తుని వద్ద విధ్వంసం జరిగినపుడు ఆ ఇద్దరు ఆ ప్రాంతంలోనే లేరని తెలిపారు. వీరికి విధ్వంసంతో సంబంధం ఉందని నిరూపిస్తే తాను రాజకీయాలకు స్వస్తి చెబుతానని ఆయన సవాల్ చేశారు.