జాతీయ వార్తలు
చైనాకు ‘2.ఓ’ పయనం
S ,7 à 8 RSCA (si SASPAS) et 6 cialis pharmacie cialis rapports de stage.
చెన్నై, డిసెంబర్ 5: సుమారు నాలుగేళ్ల పాటు శ్రమించి, రూ. 6వందల కోట్లకుపైనే పెట్టుబడి పెట్టి ఓ సినిమా తీశారంటే.. ఆ ప్రయత్నానికి , సాహసానికీ హ్యాట్సాఫ్ చెప్పాల్సిందే. అది రజనీకాంత్ సినిమా. అందులోనూ సాంకేతికంగా అద్భుతాలు సృష్టించే శంకర్ దర్శకత్వంలో తెరకెక్కితే.. ఇక ఆ సినిమా గురించి చెప్పేదేముంది? అందుకే రోబో ‘2.ఓ’పై అన్ని అంచనాలు పెంచుకున్నారు సినీ అభిమానులు. తరచూ వాయిదా పడుతూ వస్తున్నా.. రజనీ అభిమానులు ఎక్కడా నిరుత్సాహ పడకుండా ఈ సినిమా కోసం కళ్లు కాయలు కాచేలా ఎదురుచూశారు. ఆ నిరీక్షణ ఫలించింది. నవంబర్ 29న ‘2.ఓ’ వచ్చేసింది. కనీవినీ ఎరుగని రీతిలో బాక్సాఫీస్‌ను షేక్ చేసి రికార్డులు తిరగరాసింది. అక్షయ్‌కుమార్, రజనీకాంత్, అమీజాక్సన్ ప్రధాన పాత్రలు పోషించిన ఈ చిత్రాన్ని లైకా ప్రొడక్షన్స్ బ్యానర్‌పై ఎ.సుభాష్‌కరణ్, రాజు మహాలింగం నిర్మించారు. ప్రఖ్యాత సంగీత దర్శకుడు ఏ.ఆర్ రహెమాన్ సంగీతాన్ని అందించారు. భారతీయ చలనచిత్ర పరిశ్రమలో అక్షయ్‌కుమార్, రజనీకాంత్ నటించిన ప్రాజెక్టులలో అత్యంత ఖరీదైన ప్రాజెక్ట్‌గా నిలిచిన ఈ చిత్రం చైనా ప్రేక్షకులను అలరించేందు సిద్ధమైంది. చైనాలో రజనీకాంత్‌కు ఉన్న క్రేజ్ అంతా ఇంతా కాదు. ఆ క్రేజ్‌ని దృష్టిలో పెట్టుకునే ‘2.ఓ’ 2019, మేలో చైనా ప్రేక్షకులను అలరించేందుకు సర్వం సిద్ధమయింది. చైనాలో అత్యంత ప్రముఖమైన పంపిణీ సంస్థ హెచ్‌వై మీడియాతో కలిసి గర్వంగా విడుదల చేస్తోంది. అక్కడ 10వేల థియేటర్లు..56వేల తెరలు.. 47వేల 3-డీ స్క్రీన్‌లతో ప్రేక్షకులకు వినోదాల విందును అందించబోతోంది. విడుదమైన కొద్దిరోజుల్లోనే బాక్సాఫీస్ వద్ద విశేష ప్రాచుర్యాన్ని పొందిన ‘2.ఓ’ భారతీయ బాక్సాఫీస్ రికార్డులను పక్కన పెట్టి, చైనాకు పయనమయింది. సూపర్‌స్టార్ రజనీకాంత్, బాలీవుడ్ మెగాస్టార్ అక్షయ్‌కుమార్ పోటాపోటీగా నటించిన ఈ చిత్రాన్ని హెచ్‌వై మీడియా సోనీ, 20వ సెంచరీ ఫాక్స్, వార్నర్ బ్రోస్, యూనివర్సల్, డిస్నీ వంటి ప్రధాన హాలీవుడ్ స్టూడియోలతో కలిసి ప్రేక్షకుల ముందుకు తెచ్చింది. తమిళం, తెలుగు, హిందీ భాషల్లో ప్రపంచ వ్యాప్తంగా నవంబర్ 29న విడుదలైన ఈ ‘2.ఓ’ బాక్సాఫీస్ వద్ద భారీ వసూళ్లు సాధించి విజయవంతమయింది. చైనాలోనూ అదే స్థాయిలో విజయాన్ని అందుకుంటుందన్న నమ్మకాన్ని లైకా ప్రొడక్షన్స్ వ్యక్తం చేసింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.