జాతీయ వార్తలు
హిందూత్వవర్గాలకు బిజెపి వల
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఫిబ్రవరి 14: పశ్చిమ బెంగాల్, కేరళ రాష్ట్రాల్లో జరగనున్న అసెంబ్లీ ఎన్నికల్లో తన ఉనికిని బలంగా చాటుకునే దిశగా బిజెపి అడుగులు వేస్తోంది. ఇందులో భాగంగా హిందూ గ్రూపులను బలంగా ఆకట్టుకోవాలని, ఆ రకంగా ఈ రెండు రాష్ట్రాల్లోనూ బలమైన రాజకీయ శక్తిగా ఎదగాలని భావిస్తోంది. ఏప్రిల్, మే నెలల్లో ఈ రెండు రాష్ట్రాల్లో అసెంబ్లీ ఎన్నికలు జరగనున్నాయి. ఈ నెల 21న ప్రధాని నరేంద్ర మోదీ కోల్‌కతాలోని గౌడ్యామఠాన్ని సందర్శించనున్నారని, అది ఒక రకంగా బిజెపి ఎన్నికల ప్రచారానికి నాంది అవుతుందని చెబుతున్నారు. మమతా బెనర్జీ సారథ్యంలోని తృణమూల్ కాంగ్రెస్ ప్రభుత్వాన్ని లక్ష్యంగా చేసుకుని హిందూత్వ శక్తులను సమీకృతం చేయాలన్నది బిజెపి ఆలోచనగా కనిపిస్తోంది. ఇందుకు ప్రధాని పర్యటనను అన్ని విధాలుగా సద్వినియోగం చేసుకోవాలని భావిస్తోంది. అలాగే ముస్లిం అనుకూల వైఖరిని అవలంబిస్తోందంటూ తృణమూల్‌పై విమర్శలు గుప్పించడం ద్వారా హిందూ వర్గాలకు గాలం వేయాలన్నది బిజెపి రాజకీయ వ్యూహంలో భాగంగా కనిపిస్తోంది. గౌడ్యామఠం, రామకృష్ణ మఠం, ఇస్కాన్‌లలో కోటీ యాభై లక్షల మంది సభ్యులున్నారని, ప్రధాని పర్యటన ద్వారా వీరందరినీ తమవైపు తిప్పుకుంటామని బిజెపి వర్గాలు తెలిపాయి. ముఖ్యమంత్రి మమతా బెనర్జీ ఓటు బ్యాంకు రాజకీయ కారణంగా పశ్చిమ బెంగాల్‌లోని హిందూ ఓటర్లలో ఆందోళన మొదలైందని, సరళహిందూత్వ విధానాల ద్వారా టిఎంసి ప్రభుత్వంపై విరుచుకుపడతామని బిజెపి వర్గాలు తెలిపాయి. ఇమామ్‌లు, ఇతర ముస్లిం సంస్థలకు అనేక రకాలుగా మమతా బెనర్జీ రాయితీలు ఇస్తున్నారని, మాల్దాలో జరిగిన హింసకు బాధ్యులైన వారిపై ఎలాంటి చర్యలు తీసుకోలేదని బిజెపి సీనియర్ నేతలు తెలిపారు. ఇవన్నీ కూడా హిందూత్వ పథంలో ఎన్నికల ప్రచారాన్ని ముందుకు తీసుకెళ్లడానికి బిజెపికి అనువైన పరిస్థితులేనని అన్నారు. అలాగే కేరళలో కూడా రాజకీయంగా తన ఉనికిని చాటుకునేందుకు ఈ ఎన్నికలను బలమైన అవకాశంగా భావిస్తున్నట్టు తెలిపారు. ఇటీవల ప్రధాని నరేంద్ర మోదీ కేరళలోని ఓ యాగంలో పాల్గొనడం, అలాగే హిందూ వర్గాలకు చేరువ కావాలంటూ బిజెపి అధ్యక్షుడు అమిత్ షా పిలుపివ్వడం ఈ వ్యూహంలో భాగమేనని అన్నారు. గత రెండు అసెంబ్లీ ఎన్నికల్లోనూ అటు పశ్చిమ బెంగాల్, ఇటు కేరళ రాష్ట్రాల్లో బిజెపి ఒక్కసీటు కూడా గెలుచుకోలేకపోయింది. అయితే 2014లో ఈ రెండు రాష్ట్రాల్లో బిజెపి ఓట్ల శాతం గణనీయంగా పెరిగింది. బెంగాల్‌లో రెండు లోక్‌సభ స్థానాలను సైతం బిజెపి గెలుచుకోగలిగింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.