కళాంజలి
సుగాత్రి గాయత్రి
S ,7 à 8 RSCA (si SASPAS) et 6 cialis pharmacie cialis rapports de stage.
అమెరికాలో ఎంతోమంది తెలుగు వెలుగులు, మన కళలు వ్యాప్తిచేస్తూ, అక్కడి నుండే మన కళామతల్లికి సేవ చేస్తున్నారు. భారతీయ సంప్రదాయ కళలను అక్కడి పిల్లలకు నేర్పిస్తూ, లలిత కళలకు జీవం పోస్తున్నారు. ఇది చాలా గొప్ప విషయం. అక్కడ పుట్టి పెరిగిన పిల్లలకు మన కట్టూబొట్టూ, భాష, పండుగలూ పబ్బాలూ, పిండివంటలు, ఆచార వ్యవహారాలు కరువవుతాయి. అన్నింటికీ అమ్మ ఉందిగా! అమ్మ గట్టిగా పూనుకుంటే, ఆ ఇంట్లో కళలు, సంపదలు, చదువు అన్నీ స్థిరపడతాయి. మన హైదరాబాద్‌లో పుట్టి పెరిగి, చిన్నప్పటి నుండి మంచి గాయనిగా పేరు తెచ్చుకున్న గాయని శ్రీమతి గాయత్రి బొమ్మకంటి. దశాబ్దాలుగా అమెరికాలో స్థిరపడినా, అక్కడి నుండే సరస్వతీదేవి సమార్చన చేస్తున్నారు. వీరి కుమారుడు తరుణ్ బొమ్మకంటి కూడా వయొలిన్, గాత్రకళాకారుడు.
శ్రీమతి గాయత్రి బొమ్మకంటి గారితో ముఖాముఖి ఆమె మాటల్లోనే.
* * *
8 సం. వయసులో మా పిన్నిగారి వద్ద సంగీతం నేర్చుకోవడం మొదలుపెట్టాను. అలా పెళ్లయ్యేదాకా, నేను కర్ణాటక సంగీతం నేర్చుకున్నాను. ఇంట్లో ఎప్పుడూ సంగీతం, కళలు వాతావరణం ఉండేది. పెళ్లిళ్లు, పండుగలు, ఫంక్షన్స్, పూజలు, స్కూల్‌లో ఎప్పుడూ నేను పాడేదాన్ని. నా మధురస్మృతులు, జ్ఞాపకాలు, నాకు అస్థిత్వాన్ని ఇచ్చినవన్నీ గాత్ర సంగీతంతోనే ముడిపడి ఉన్నాయి. రోజూ అభ్యాసం చేసేవాళ్లం. ఇంట్లో సినిమా సంగీతం వినటానికి ఒప్పుకునేవాళ్లు కాదు. ఎప్పుడూ సంగీత సభలకు వెళ్లడం, పెద్ద సంగీతకారుల ప్రదర్శనలు వినడం, చూడటం, నేర్చుకోవడం ఇవన్నీ నా ఎదుగుదలకు సోపానాలు. క్రమశిక్షణ, అభ్యాసం, ప్రతిభ, సృజన, వీటి చుట్టూ నా బాల్యం తిరిగింది. చాలా ప్రోత్సాహం లభించింది. ఏ సంగీత పోటీ ఉన్నా మా స్కూల్ నుండి నేనే వెళ్లేదాన్ని.
అమెరికాలో దాదాపు 20 సంవత్సరాలుగా ఉంటున్నాను. ఇక్కడ ఉండటంలో నా చిన్నప్పటి మధురస్మృతులు, గాత్ర సంగీతం విలువ తెలుస్తోంది. నా కొడుకు తరుణ్‌ని కూడా ఇక్కడి ప్రదర్శనలకు తీసుకెళ్లడం, వాడికి మన భారతీయ సంగీతం మీద మక్కువ కలిగించాను. భారతీయ సంప్రదాయ సంగీతం వయొలిన్ నేర్పించాను. అది వాడి అస్థిత్వానికి పునాది, ఉనికి అయింది. మా కుటుంబ విలువల్లో నాకు, మా బాబుకీ సంగీతం విడతీయని బంధంగా, మా అనుబంధానికి ఒక తీగ పందిరిగా అయింది. ఇక్కడి విదేశాలలో పిల్లలకి భారతీయ కళలు నేర్పించాలి, ప్రోత్సహించాలి. ఇది చాలా ముఖ్యం. నేను ఇప్పుడు కూడా రోజూ గంట అభ్యాసం చేస్తాను. మా బాబు కూడా రోజూ వయొలిన్ అభ్యాసం చేస్తాడు. నేను ఇప్పుడు కూడా నేర్చుకుంటున్నాను. నేను నిత్యవిద్యార్థిని.
మా అమ్మ పద్మజ, మా పిన్ని ఇందిర ఇద్దరూ ప్రఖ్యాత గాయనీమణులు. అందువల్ల నాకు చిన్నప్పటి నుండి సంగీతం సులభంగా అబ్బింది. నేను నా కొడుక్కి అలాగే నేర్పించాను. పొద్దునే్న సుప్రభాతం పాడటం, భజనలు, పాటలు జోలపాడుతూ లాలి పోస్తూ, గోరుముద్దలు పెడుతూ ఎప్పుడూ పాట పాడుతూ వాడిని పెంచాను. అందుకే తరుణ్‌కి నాతో ఉన్న స్మృతులు గాత్రం, పాటలతోనే ఉన్నాయి.
ఇప్పుడు ఇక్కడ మంచి కళాకారులున్నారు. స్కైప్, యూట్యూబ్ మొదలైన సాధనాలు, మాధ్యమాల ద్వారా సంగీత శిక్షణ లభిస్తోంది. సాంకేతిక విజ్ఞానం వల్ల సంగీతం ఇంకా సులువుగా నేర్చుకోగలుగుతున్నాం. అమెరికాలో కొన్ని దశాబ్దాల క్రితం ఇన్ని అవకాశాలు, ప్రోత్సాహం ఉండేది కాదు. ఇప్పుడు చాలా మారింది. ఇక్కడ గురుకులాలు కూడా ఉన్నాయి. కొన్ని వారాలు ఉండి గురు శిష్య సంప్రదాయంలో నేర్చుకుంటున్నారు. భారతదేశం నుండి కూడా గొప్ప సంగీతకారులు వచ్చి ప్రదర్శనలిస్తున్నారు. నేర్పిస్తున్నారు. దీనివల్ల పిల్లలకి జవము జీవము వస్తాయి.
Related Articles
హరికథ మన తెలుగువారి విశిష్ట కళారూపం. భక్తి కథలను, ప్రధానంగా హరి లీలను సంగీత సాహిత్య నృత్యపరంగా చెప్పడాన్ని హరికథ అంటారు. నారదుడు మొదటి హరిదాసు అంటారు. హరికథ చెప్పేవారికి ఆట పాట మాట మీద పట్టు ఉండాలి. వీరిలో ప్రసిద్ధులు భాగవతారిణి కావూరు శారద. 30 సంవత్సరాలుగా కొన్ని వేల హరికథ ప్రదర్శనలిచ్చారు.
కూచిపూడి మన తెలుగువారి మణిమయ కిరీటం. తరతరాలుగా ఈ నృత్యానికే అంకితమయిన కుటుంబాలు ఎన్నో ఉన్నాయి. వీరు నటరాజస్వామి ముద్దుబిడ్డలు. ఎన్నో జన్మల పుణ్యం వల్ల నృత్యం నేర్చుకుంటాము, నేర్పిస్తాము.
భారతదేశం లలితకళలకు పుట్టిల్లు. సంగీతం, సాహిత్యం, నృత్యం, శిల్పం, చిత్రలేఖనం అనే అయిదు కళలను లలిత కళలు అంటారు. నాట్యం సమాహార కళ. కేవలం నాట్యంలో సంగీతం, సాహిత్యం, శిల్పం, చిత్రలేఖనం ఇమిడి ఉన్నాయి. దక్షిణ భారతంలో కూచిపూడి, భరతనాట్యం, కథాకళి, మోహినీ అట్టం సంప్రదాయ శాస్ర్తియ నృత్యాలు ఉన్నాయి.
భారతీయ ఇతిహాసాలు, పురాణాలు, కావ్యాలలో ఆహార్యానికి ఎంతో ప్రాముఖ్యత ఉంది. అంటే వస్తమ్రులు, మాలలు, ఆభరణములు మొదలైన వాటి వివరణ వీటిలో సుదీర్ఘంగా ఇవ్వబడింది. కొన్ని ఆభరణాలు విశిష్ట స్థానాన్ని సంతరించుకుని, తమకంటూ పేరు ప్రఖ్యాతులు తెచ్చుకున్నాయి.
శరత్‌చంద్ర ఒక యుగం, ఒక హిమపర్వతం, ఒక గంగానది. ఈయన రాసిన నవలలు దేశ, కాలములను అధిగమించి సర్వవ్యాప్తమైనాయి. అనగా త్రికాలా బాధితం. వీరు 15, సెప్టెంబర్ 1876 దేవానందపూర్, హుగ్లీలో జన్మించారు. వీరి బాల్యం నిరంతరం గర్భదారిద్య్రం, పరాశ్రయంలోనే గడిచిపోయింది.