అరెస్టు చేసినవారిలో అమాయకులు లేరు..

విజయవాడ: తుని విధ్వంసకాండకు సంబంధించి సిఐడి పోలీసులు అరెస్టు చేసిన వారిలో అమాయకులు ఎవరూ లేరని మంత్రి నారాయణ అన్నారు. రౌడీషీటర్లు, వైకాపాకు చెందిన వారు విధ్వంసంలో పాల్గొన్నందున వారినే అరెస్టు చేశారన్నారు. రౌడీషీటర్లు, నేరస్థులను విడిచి పెట్టాలని ముద్రగడ కోరడం తగదన్నారు. విధ్వంసానికి పాల్పడినవారందరిపైనా కేసులు తప్పవన్నారు. శాంతిభద్రతలు దిగజారితే రాష్ట్రంలో పెట్టుబడులు పెట్టేందుకు ఎవరూ రారని అన్నారు.