జాతీయ వార్తలు
ఛత్తీస్‌గఢ్‌లో ఎన్‌కౌంటర్
S ,7 à 8 RSCA (si SASPAS) et 6 cialis pharmacie cialis rapports de stage.
భద్రాచలం/చింతూరు, ఆగస్టు 17: ఛత్తీస్‌గఢ్ రాష్ట్రంలోని సుకుమా-దంతేవాడ సరిహద్దులో దండకారణ్యంలో బుధవారం జరిగిన ఎన్‌కౌంటర్‌లో నలుగురు మావోయిస్టులు హతమయ్యారు. కాగా ఏడుగురు జవాన్లకు కూడా గాయాలయ్యాయి. గాయపడ్డ జవాన్లను హెలీకాప్టర్ ద్వారా జగదల్‌పూర్‌కు తరలించి చికిత్సలు అందిస్తున్నారు. దంతెవాడ జిల్లా దబ్బాకున్నా అటవీప్రాంతంలో ఈ ఎన్‌కౌంటర్ జరిగింది. నలుగురు మావోయిస్టుల మృతదేహాలతో పాటుగా 303 సర్వీస్ రైఫిల్స్ 4, 12 బోర్ రైఫిల్స్‌తో పాటుగా 8 ఆయుధాలను స్వాధీనం చేసుకున్నారు. బ్యాక్‌ప్యాక్ పిట్టులు 30 కూడా సంఘటనా స్థలంలో దొరికాయి. మృతుల్లో 26వ ప్లాటూన్ సీపీఐ మావోయిస్టు కమాండర్ మడకం దేవే, కటేకల్యాణ్ ఏరియా కమిటీ కమాండర్ మాసాల మృతదేహాలను ఇప్పటి వరకు గుర్తించారు. వీరిలో మాసా జీరంఘాట్‌లో సల్వాజుడుం వ్యవస్థాపక అధ్యక్షులు మహేంద్ర ఖర్మ హత్య కేసులో ప్రధాన నిందితుడు. 7గురు జవాన్లకు గాయాలవ్వగా వారిలో ఆదిత్యా కవర్ అనే జవాన్ పరిస్థితి విషమంగా ఉండటంతో జగదల్‌పూర్‌లోని మహారాణి ఆసుపత్రిలో వైద్యులు ఆపరేషన్ నిర్వహిస్తున్నారు. ఇదిలా ఉండగా తెలంగాణ సరిహద్దుల్లోని ఆంధ్రప్రదేశ్‌లోని విలీనం మండలం చింతూరుకు చెందిన పేగా గ్రామస్థులు కంగాల ముత్తయ్య, కంగాల నాగేశ్వరరావు, కణితి రామయ్య, సోడే ముద్దయ్యలను మావోయిస్టులు బుధవారం అపహరించుకు పోయారు. కానీ చింతూరు ఓఎస్‌డీ ఫకీరప్ప మాత్రం అపహరణ జరగలేదని, వారే మావోయిస్టులతో మాట్లాడేందుకు వెళ్లారనే సమాచారం మా వద్ద ఉందని ఖండించారు. దండకారణ్యంలోని కాంకేర్ జిల్లాలో అంతాగఢ్-తోడోకీ అటవీప్రాంతంలో మాన్‌కోట గుట్టల్లో భద్రతా బలగాలకు, మావోయిస్టులకు మధ్య గంట సేపు భీకరంగా కాల్పులు జరిగాయి. అయితే ఇరుపక్షాలకు ఎటువంటి నష్టం వాటిల్లలేదు. మావోయిస్టులు పారిపోగా సంఘటనా స్థలంలో భారీగా నక్సల్స్‌కు చెందిన నిత్యావసర వస్తువులు, ఆయుధాలు లభ్యమయ్యాయి.
చిత్రం.. ఎన్‌కౌంటర్‌లో మృతిచెందిన మావోయిస్టులు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.