జాతీయ వార్తలు
రేణిగుంటలో విమానాల రాకపోకలు రద్దు
S ,7 à 8 RSCA (si SASPAS) et 6 cialis pharmacie cialis rapports de stage.
రేణిగుంట, సెప్టెంబర్ 18: స్పైస్ జెట్ విమానం ప్రమాదానికి గురైన సంఘటనతో విమానాల రాకపోకలకు అంతరాయం ఏర్పడింది. ఈనేపథ్యంలో రేణిగుంట విమానాశ్రయానికి రావాల్సిన విమానాలు ఆదివారం కూడా రద్దయ్యాయి. శనివారం రాత్రి స్పైస్ జెట్ విమానం ల్యాండింగ్ అయి యు టర్న్ తీసుకునే సమయంలో రన్ వే నుంచి సుమారు 120 మీటర్లు మట్టిలోకి వెళ్లడంతో విమానం టైర్లు బురదలో కూరుకుపోయాయి. దీంతో రేణిగుంట విమానాశ్రయంలో విమానాల ల్యాండింగ్, టేకాఫ్‌కు అంతరాయం ఏర్పడింది. ఏవియేషన్ అధికారులు రేణిగుంట విమానాశ్రయంలో విమాన రాకపోకలకు అనుమతి ఇవ్వలేదు. బురదలో కూరుకుపోయిన విమానచక్రాలను బయటకు తీసేందుకు చెన్నై నుండి ప్రత్యేక పరికరాలను రప్పించి విమానాన్ని రన్‌వే పైకి తెచ్చేందుకు పనులు మొదలుపెట్టారు. అయితే శనివారం రాత్రి హైదరాబాద్ వెళ్లాల్సిన ట్రూ జెట్ విమానానికి అధికారులు అనుమతి ఇవ్వకపోవడంతో అర్ధరాత్రి వరకు విమానాశ్రయం లోపల ప్రయాణికులు పడిగాపులు కాసి ఉదయం తిరిగి వెళ్లిపోయారు. ఆదివారం ఉదయం నుంచి సాయంత్రం వరకు రేణిగుంట విమానాశ్రయానికి రావాల్సిన విమానాలను ఏవియేషన్ అధికారులు రద్దు చేశారు. రాత్రి వెళ్లాల్సిన ట్రూ జెట్ విమానానికి ఆదివారం సాయంత్రం విమానాశ్రయ అధికారులు క్లియరెన్స్ ఇవ్వడంతో హైదరాబాద్‌కు విమానం బయలుదేరి వెళ్లింది. ఇదిలావుండగా బురదలో కూరుకుపోయిన స్పైస్ జెట్ విమానాన్ని రన్‌వే పైకి తెచ్చేవరకు విమానాల రాకపోకలకు అనుమతులు ఇవ్వబోమని ఏవియేషన్ అధికారులు తేల్చి చెప్పడంతో యుద్ధప్రాతిపదికన విమానాన్ని బయటకు తీసుకొచ్చేందుకు అధికారులు కృషి చేస్తున్నారు.
చిత్రం.. రేణిగుంట విమానాశ్రయంలో బురదలో కూరుకుపోయిన స్పైస్‌జెట్ విమానాన్ని
బయటకు తీసేందుకు ప్రయత్నాలు చేస్తున్న నిపుణులు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.