జాతీయ వార్తలు
జయ, మమతల వైపే మళ్లీ మొగ్గు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 1: త్వరలో జరగనున్న ఐదు రాష్ట్రాల అసెంబ్లీ ఎన్నికల్లో తమిళనాడు, పశ్చిమ బెంగాల్‌లలో జయలలిత, మమతా బెనర్జీలు మళ్లీ అధికారంలోకి వచ్చే అవకాశాలు కనిపిస్తున్నాయి. అధికారం కోసం కాంగ్రెస్, బిజెపిలు తీవ్రంగా పోటీపడుతున్న అస్సాంలో హంగ్ అసెంబ్లీ ఏర్పడేందుకు అవకాశం ఉందని తాజాగా జరిగిన ఎన్నికల సర్వేలు స్పష్టం చేస్తున్నాయి. కేరళలో కాంగ్రెస్ సారధ్యంలోని యుడిఎఫ్‌ను సాగనంపి ప్రజలు ఎల్‌డిఎఫ్‌కు పట్టంగట్టే అవకాశం ఉందని ఈ సర్వే ఫలితాలను వెల్లడిస్తూ ఇండియాటివి ఓ ప్రకటన జారీ చేసింది. సి-ఓటరుతో కలిసి ఈ సర్వే నిర్వహించింది.
126 సీట్లున్న అస్సాంలో బిజెపి సారధ్యంలోని కూటమికి 55 సీట్లు మాత్రమే వచ్చే అవకాశం ఉంది. అలాగే అధికార కాంగ్రెస్‌కు 53 సీట్లకు మించి రాకపోవచ్చని సర్వే స్పష్టం చేసింది. అంటే బిజెపికి అధికారంలోకి రావడానికి 9 సీట్లు తక్కువైతే కాంగ్రెస్‌కు గత ఎన్నికల్లో వచ్చిన సీట్లకంటే 25 సీట్లు తక్కువ వచ్చే సూచనలు కనిపిస్తున్నాయి. కేరళలో ప్రతిపక్ష ఎల్‌డిఎఫ్ 86 సీట్లు గెలుచుకుని 140 స్థానాలున్న అసెంబ్లీలో పూర్తి మెజారిటీ వచ్చే అవకాశం ఉందని సర్వే పేర్కొంది. ప్రస్తుతం అధికారంలో ఉన్న యుడిఎఫ్‌కు 53 సీట్లకు మించి రాకపోవచ్చని వెల్లడించింది. ఇక బిజెపి నేతృత్వంలోని కూటమికి కేరళలో ఒక్క సీటు మాత్రం దక్కే అవకాశం ఉంది. పశ్చిమ బెంగాల్‌లో మమతా బెనర్జీ నాయకత్వంలోని తృణమూల్ కాంగ్రెస్ 160 సీట్లు వరకూ గెలుచుకోవచ్చని గత ఎన్నికల్లో గెలుచుకున్న సీట్లకంటే ఈసారి 24 స్థానాలు దీనికి తగ్గే అవకాశం ఉందని సర్వే ఫలితాలు తెలిపాయి. ఇక ఉమ్మడిగా పోటీ చేస్తున్న కాంగ్రెస్, వామపక్షాలకు 106, 21 సీట్లు చొప్పున దక్కే అవకాశం ఉంది. రాష్ట్రంలో బిజెపికి నాలుగు సీట్లకు మించి రాకపోవచ్చని సర్వే తెలిపింది. గత అసెంబ్లీ ఎన్నికల్లో కాంగ్రెస్ 42 సీట్లు గెలుచుకుంటే ఈ సారి ఆ సంఖ్య సగానికి సగం పడిపోయే అవకాశం ఉంది. తమిళనాడులో జయలలిత సారధ్యంలోని అన్నాడిఎంకె కూటమి 130 సీట్లు గెలుచుకుని మెజారిటీతో అధికారం మళ్లీ చేజిక్కించుకునే అవకాశం ఉంది. కలిసిపోటీ చేస్తున్న కాంగ్రెస్, డిఎంకెలకు 70 సీట్లు వచ్చే అవకాశం ఉందని సర్వే వివరాలు స్పష్టం చేస్తున్నాయి.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.