జాతీయ వార్తలు
జగన్‌కు దక్కని షా అపాయింట్‌మెంట్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ : ఢిల్లీ పర్యటనకు వెళ్లిన ముఖ్యమంత్రి జగన్మోహన్ రెడ్డి సోమవారం కేంద్ర హోం శాఖ మంత్రి అమిత్ షాతో సమావేశం కాలేకపోయారు. మహారాష్ట్ర, హర్యానా అసెంబ్లీ ఎన్నికల పనులతో అమిత్ షా తీరిక లేకుండా ఉన్నందువల్ల జగన్‌ను కలుసుకోలేకపోయారని బీజేపీ వర్గాలు చెబుతున్నాయి. అమిత్ షాతో సమావేశమయ్యేందుకు జగన్ సోమవారం మధ్యాహ్నం ఢిల్లీకి వచ్చారు. మంగళవారం కూడా ఢిల్లీలోనే ఉండి అమిత్ షాతోపాటు మరి కొందరు కేంద్ర మంత్రులతో సమావేశం అవుతారని వైసీపీ నాయకులు చెబుతున్నారు. జగన్మోహన్ రెడ్డి కేంద్ర హోం శాఖ మంత్రిని ఎందుకు కలుసుకోవాలనుకుంటున్నారు? ఏ అంశాల గురించి చర్చించాలనుకుంటున్నారనేది స్పష్టం కావటం లేదు. జగన్మోహన్ రెడ్డి ఇంతక్రితం ఢిల్లీకి వచ్చినప్పుడు కూడా అమిత్ షాను కలుసుకునేందుకు ప్రయత్నించినా వివిధ కారణాల మూలంగా అది జరగలేదు. ఇదిలాఉంటే ఏపీకి చెందిన ఒక ప్రముఖ తెలుగు దినపత్రిక యజమాని ఇటీవల ఢిల్లీకి వచ్చి జగన్మోహన్ రెడ్డి, తెలంగాణ ముఖ్యమంత్రి కల్వకుంట్ల చంద్రశేఖరరావు తన పత్రిక, టీవీ చానల్‌కు ప్రకటనలు నిలిపివేయటం, కక్ష్ ధింపు చర్యలకు దిగటం గురించి అమిత్ షాకు ఫిర్యాదు చేయటం తెలిసిందే.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.