జాతీయ వార్తలు
‘సమాన పనికి సమాన వేతనం’ సూత్రం తాత్కాలిక ఉద్యోగులకూ వర్తిస్తుంది
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, అక్టోబర్ 29: రెగ్యులర్ ఉద్యోగుల మాదిరిగానే ఒకే రకమైన విధులను నిర్వర్తించే డెయిలీ వేజ్ ఉద్యోగులు, క్యాజువల్, కాంట్రాక్ట్ ఉద్యోగులకు కూడా ‘సమాన పనికి సమాన వేతనం’ సూత్రాన్ని వర్తింపజేయాలని సుప్రీంకోర్టు స్పష్టం చేసింది. సమాన పనికి సమాన వేతనం ఇవ్వకపోవడాన్ని శ్రమ దోపిడీ, అణచివేతగా అభివర్ణించిన సుప్రీంకోర్టు సంక్షేమ రాజ్యంలో ఈ సూత్రాన్ని తాత్కాలిక ఉద్యోగులకు కూడా వర్తింపజేయాలన్నారు. ‘మా దృష్టిలో శ్రమశక్తి ఫలాలు తరిస్కరించడానికి కృత్రిమ కొలమానాలను సృష్టించడం దారుణం’ అని కోర్టు పేర్కొంది. ఒక పని చేసే ఉద్యోగికి అదే పని, బాధ్యతలు నిర్వర్తించే మరో ఉద్యోగికన్నా తక్కువ వేతనం చెల్లించ కూడదని, అలాంటి చర్య మానవత్వ విలువలనే కించపరచడం అవుతుందని న్యాయమూర్తులు జెఎస్ కేహర్, ఎస్‌ఏ బోబ్డేలతో కూడిన బెంచ్ పేర్కొంది. తక్కువ జీతానికి పని చేసే వాళ్లెవరైనా ఇష్టపూర్తిగా ఆ పని చేయరు. ఆత్మ గౌరవం, మర్యాదలను పణంగా పెట్టి తన కుటుంబానికి కూడూ, గూడు కల్పించడం కోసమే ఆ పని చేస్తాడు. తాను తక్కువ వేతనాన్ని అంగీకరించకపోతే తన కుటుంబం తీవ్రంగా కష్టపడుతుందని అతనికి తెలుసు. అందువల్ల అదే స్థాయిలో ఉండే ఇతరులకన్నా తక్కువ వేతనం చెల్లించడం అంటే మానవత్వ విలువల మూలాలనే కించపరచడమే అవుతుందని ఆర్థిక, సామాజిక, సాంస్కృతిక హక్కులపై అంతర్జాతీయ ఒడంబడికలోని 7 అధికరణాన్ని ఉటంకిస్తూ బెంచ్ పేర్కొంది. తాత్కాలిక ఉద్యోగులకు రెగ్యులర్ పేస్కేలులోని కనీస వేతనాన్ని పొందడానికి అర్హులు కారని పంజాబ్, హర్యానా హైకోర్ట ఇచ్చిన తీర్పును సవాలు చేస్తూ పంజాబ్ ప్రభుత్వంలోని కొంతమంది తాత్కాలిక ఉద్యోగులు సుప్రీంకోర్టును ఆశ్రయించడంతో బెంచ్ ఈ తీర్పు ఇచ్చింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.