జాతీయ వార్తలు
కుటుంబాలతో విహార యాత్ర!
S ,7 à 8 RSCA (si SASPAS) et 6 cialis pharmacie cialis rapports de stage.
సూరత్, నవంబర్ 5: గుజరాత్‌కు చెందిన వజ్రాల వ్యాపారి సావ్‌జీ ధోలాకియా ప్రతి సంవత్సరం దీపావళి సందర్భంగా తన కంపెనీలో పని చేసే ఉద్యోగులకు ఖరీదయిన బహుమతులు ఇవ్వడం తెలిసిందే. ఈ సంవత్సరం కూడా ఆయన దాదాపు 50 కోట్ల రూపాయల విలువైన 1200 కార్లు, 400 ప్లాట్లు తన ఉద్యోగులకు దీపావళి గిఫ్ట్‌లుగా ఇచ్చారు. అదే విధంగా సూరత్‌కే చెందిన మరో వజ్రాల వ్యాపారి గోవింద్ ధోలాకియా కూడా అదే బాటలో నడుస్తూ తన కంపెనీలో పని చేసే 300 మంది ఉద్యోగులకు దీపావళి గిఫ్ట్‌గా 15 రోజులు వేతనంతో కూడిన సెలవు ఇవ్వడమే కాకుండా వారినందరినీ కుటుంబాలతో సహా ఉత్తరాఖండ్‌కు విహార యాత్రకు తీసుకెళ్లారు. సూరత్, ముంబయిలలో శ్రీ రామకృష్ణ ఎక్స్‌పోర్ట్స్ పేరుతో ఆయనకు వజ్రాల ఎగుమతి వ్యాపారం ఉంది. దాదాపు 1200 మంది కోసం గోవింద్ ధోలాకియా 90 లక్షల రూపాయలు ఖర్చు చేసి ఒక ప్రత్యేక ఎసి రైలునే బుక్ చేశారు. అంతేకాదు వారితో పాటుగా ఆయన కూడా ఒక కుటుంబ సభ్యుడిగా కలిసిపోయి ప్రయాణించారు. విహార యాత్రకోసం వచ్చిన వీరంతా కేవలం యాత్రకే పరిమితం కాకుండా సామాజిక సేవలోకూడా పాల్గొనడం మరో విశేషం. వీరంతా రుషీకేశ్‌లోని రామ్ ఝూలా వద్దనుంచి వేద్ నికేతన్ ఆశ్రమ్ దాకా దాదాపు అరకిలోమీటర్ దారిని శుభ్రం చేయడం ద్వారా స్వచ్ఛ్భారత్ కార్యక్రమానికి స్ఫూర్తిగా నిలిచారని స్వర్గాశ్రమ్ నగర్ పంచాయతీ అధ్యక్షుడు చెప్పారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.