జాతీయ వార్తలు
తుది నిర్ణయం ములాయందే
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, డిసెంబర్ 2: రాబోయే ఉత్తరప్రదేశ్ అసెంబ్లీ ఎన్నికల్లో కాంగ్రెస్ పార్టీతో పొత్తు పెట్టుకోవడానికి సమాజ్‌వాదీ పార్టీ నేత, రాష్ట్ర ముఖ్యమంత్రి అఖిలేశ్ యాదవ్‌కు ఎలాంటి విముఖత లేనట్లుగా కనిపిస్తోంది. వచ్చే ఎన్నికల్లో తమ పార్టీ మెజారిటీ సీట్లు సాధించి తిరిగి అధికారంలోకి వస్తుందని, ఒకవేళ కాంగ్రెస్ పార్టీని కలుపుకొని పోటీ చేస్తే 403 స్థానాలు గల అసెంబ్లీలో 300కు పైగా సీట్లను తమ కూటమి కైవసం చేసుకుంటుందని అఖిలేశ్ ఒక ప్రశ్నకు సమాధానంగా చెప్పారు. అయితే మాజీ ముఖ్యమంత్రి మాయావతి నేతృత్వంలోని బహుజన్ సమాజ్ పార్టీ (బిఎస్‌పి)తో మాత్రం పొత్తు పెట్టుకునే సమస్యే లేదని ఆయన తెగేసి చెప్పారు. కాంగ్రెస్ పార్టీ ఉత్తరప్రదేశ్ ఎన్నికల వ్యూహకర్త ప్రశాంత్ కిశోర్ ఇటీవల తొలుత ఎస్‌పి అధినేత ములాయం సింగ్ యాదవ్‌తో, తరువాత ఆయన కుమారుడు అఖిలేశ్ యాదవ్‌తో భేటీ అయిన నేపథ్యంలో విలేఖరులు శుక్రవారం ఇక్కడ అడిగిన ప్రశ్నలకు సమాధానమిస్తూ అఖిలేశ్ పై వ్యాఖ్యలు చేశారు. కాంగ్రెస్‌తో పొత్తు కుదిరే అవకాశాలు ఉన్నాయా? అని ప్రశ్నించగా, తుది నిర్ణయం తీసుకోవలసింది తమ పార్టీ అధినేత ములాయం సింగ్ యాదవ్ అని, తాను సలహాలు మాత్రమే ఇవ్వగలనని ఆయన బదులిచ్చారు. అయితే పొత్తు పెట్టుకోవాలంటే కాంగ్రెస్ పార్టీ తక్కువ సీట్లలో పోటీ చేయవలసి ఉంటుందని, లాభనష్టాల గురించి ఆలోచిస్తే పొత్తు కుదరదని ఆయన అన్నారు. అంతకుముందు అఖిలేశ్ యాదవ్ హిందుస్థాన్ టైమ్స్ లీడర్‌షిప్ సమ్మిట్‌లో మాట్లాడుతూ ప్రత్యామ్నాయ చర్యలు చేపట్టకుండా పెద్ద నోట్ల రద్దును ప్రకటించిన ప్రధాని నరేంద్ర మోదీపై వ్యంగ్యాస్త్రాలు సంధించారు. ఈ నిర్ణయం ప్రజలందరినీ క్యూలలో నిలబెడుతోందని పేర్కొంటూ, ‘అచ్ఛే దిన్’ (మంచి రోజులు) అంటే ఇవేనా? అని ఆయన ఆశ్చర్యం వ్యక్తం చేశారు. ఇందుకోసమేనా ప్రజలు మోదీకి ఓటేసిందని ఆయన ప్రశ్నించారు. ఈ నిర్ణయం దేశ ఆర్థిక వ్యవస్థను ధ్వసం చేసిందని విమర్శించారు. ఎస్‌పిలో అంతర్గతంగా శత్రువైన అమర్‌సింగ్‌పైనా అఖిలేశ్ వ్యంగ్యాస్త్రాలు సంధించారు. అమర్‌సింగ్ కూడా ముఖ్యమంత్రి పదవికి పోటీలో ఉన్నారా? అని ప్రశ్నించగా, ‘ఇదో పెద్ద కల’ అని ఆయన బదులిచ్చారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.