జాతీయ వార్తలు
‘అమ్మ’బ్రాండ్
S ,7 à 8 RSCA (si SASPAS) et 6 cialis pharmacie cialis rapports de stage.
చెన్నై, డిసెంబర్ 6: ‘అమ్మ’ బ్రాండ్‌తో తమిళనాడు ముఖ్యమంత్రిగా జయలలిత ప్రకటించిన ఉచిత తాయిలాలు, పథకాలు ఆమెకే ప్రత్యేకమైనవిగా నిలవడమే కాకుండా, ప్రధాన ప్రత్యర్థి అయిన కరుణానిధి నేతృత్వంలోని డిఎంకెను చిత్తు చేయడానికి తోడ్పడ్డాయని చెప్పవచ్చు. అమ్మ క్యాంటీన్లు, అమ్మ జిమ్నాసియంలు, పార్కులు.. ఒకటేమిటి, ప్రతిదానికీ ‘అమ్మ’ పేరు ఉండడం సర్వసాధారణమైపోయింది. తమిళనాడులో ఉచిత తాయిలాలకు అద్యుడు కరుణానిధి కావచ్చు కానీ, జయలలిత తన రాజకీయ చతురతతో వాటికి కొత్త అర్థం తీసుకువచ్చారని చెప్పవచ్చు. గత అసెంబ్లీ ఎన్నికల సందర్భంగా ఆమె తమిళనాడు ఓటర్లను ముఖ్యంగా కింది స్థాయి ఓటర్లను దృష్టిలో పెట్టుకుని రకరకాల ఉచిత తాయిలాలను ప్రకటించారు. 2006లో కరుణానిధి ఉచిత కలర్ టీవీలను ప్రకటించడం అప్పట్లో సంచలనం సృష్టిస్తే ఆ తర్వాత జయలలిత 2011, 2016 ఎన్నికల్లో మరో అడుగు ముందుకేసి రకరకాల పథకాలను ప్రకటించారు. 2011 అసెంబ్లీ ఎన్నికల్లో జయ నేతృత్వంలోని అన్నాడిఎంకె ప్రకటించిన ఉచిత బియ్యం, విద్యార్థులకు ఉచిత ల్యాప్‌టాప్‌లు, పాడి ఆవులు, మేకలు, మిక్సీలు, గ్రైండర్లు, పెళ్లి చేసుకునే అమ్మాయిలకు ఉచిత ‘తాళి బొట్లు’ లాంటి హామీలు డిఎంకెను మూడో స్థానానికి నెట్టి వేయడమే కాకుండా అన్నా డిఎంకె మిత్రపక్షమైన డిఎండికెను ప్రధాన ప్రతిపక్షం స్థానంలో నిలబెట్టాయి. 2016 ఎన్నికల్లో జయ మరో అడుగుముందుకేసి, పేదల ఇళ్లకు వంద యూనిట్ల దాకా ఉచిత విద్యుత్, ఉచిత మొబైల్ ఫోన్లు, ద్విచక్రవాహనాలను కొనుగోలు చేయడానికి మహిళలకు 50 శాతం సబ్సిడీ లాంటి మరిన్ని పథకాలను ప్రకటించారు. ఆ ఎన్నికల్లో జయ పార్టీకి మరోసారి అధికారాన్ని కట్టబెట్టడమే కాకుండా రాష్ట్రంలో ఏ అధికార పార్టీ కూడా రెండోసారి అధికారాన్ని నిలబెట్టుకోలేని 32ఏళ్ల సంప్రదాయానికి ముగింపు పలికేలా చేసింది.
2011లో ప్రారంభించిన సంక్షేమ పథకం కింద లబ్ధిదారులకు మిక్సీలు, గ్రైండర్లు, ఫ్యాన్లు పంపిణీ చేస్తున్న అప్పటిముఖ్యమంత్రి జయలలిత (ఫైల్ ఫొటో)
2013లో రూపాయకే అల్పాహారం (ఇడ్లీ-సాంబారు), ఐదు రూపాయలకు మధ్యాహ్న భోజనం (పులిహోర/ పెరుగన్నం, / సాంబారన్నం) పథకాన్ని ప్రారంభిస్తున్న జయలలిత (ఫైల్ ఫొటో)
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.