జాతీయ వార్తలు
అసోం, బెంగాల్‌లో భారీగా పోలింగ్
S ,7 à 8 RSCA (si SASPAS) et 6 cialis pharmacie cialis rapports de stage.
గౌహతి/కోల్‌కతా, ఏప్రిల్ 11: అసోం, పశ్చిమ బెంగాల్ శాసనసభలకు సోమవారం నిర్వహించిన ఎన్నికల్లో భారీగా పోలింగ్ నమోదైంది. అసోంలో 79 శాతం మంది, పశ్చిమ బెంగాల్‌లో 75 శాతం మంది ఓటుహక్కు వినియోగించుకున్నట్లు సమాచారం. ఈ ఎన్నికల సందర్భంగా అక్కడక్కడా ఘర్షణలు, పోలీసు కాల్పులు చోటుచేసుకోవడంతో ఒక వృద్ధ ఓటరు మృతిచెందాడు. అసోంలో సోమవారం రెండో విడతగా 61 నియోజకవర్గాలకు ఎన్నికలు నిర్వహించారు. అయితే బార్పేట జిల్లా సోర్భోగ్ సెగ్మెంట్‌లోని పోలీసు స్టేషన్ వద్ద క్యూ ఏర్పాటు విషయమై స్థానికులకు, సిఆర్‌పిఎఫ్ సిబ్బందికి మధ్య ఘర్షణ చోటుచేసుకోవడంతో 80 ఏళ్ల ఓటరు మృతిచెందగా, సిఆర్‌పిఎఫ్ అసిస్టెంట్ కమాండెంట్, కానిస్టేబుల్ సహా ముగ్గురు గాయపడ్డారని అధికారులు తెలిపారు. అలాగే కామరూప్ జిల్లా చాయిగావ్‌లో గర్భవతి పట్ల సిఆర్‌పిఎఫ్ జవాను దురుసుగా ప్రవర్తించడంతో స్థానికులు నిరసనకు దిగారు. వారిని చెదరగొట్టేందుకు పోలీసులు గాలిలోకి కాల్పులు జరిపారు. ఓటువేసి పిల్లవాడిని మర్చిపోయి వెళ్లిన సదరు మహిళ తన బాలుడి కోసం మళ్లీ పోలింగ్ బూత్‌లోకి వెళ్లేందుకు ప్రయత్నించడంతో గొడవ జరిగింది. ఆ పోలింగ్ బూత్ వద్ద మోహరించిన సిఆర్‌పిఎఫ్ జవాన్ల బృందాన్ని అక్కడి నుంచి మార్చేసినట్లు జిల్లా ఎస్పీ ప్రశాంత సైకియా వెల్లడించారు.
దిస్పూర్‌లో మన్మోహన్ సింగ్ ఓటు
అసోంలో సోమవారం ఓటు హక్కు వినియోగించుకున్న ప్రముఖుల్లో మాజీ ప్రధాన మంత్రి మన్మోహన్ సింగ్ ఉన్నారు. 1991 నుంచి ఆయన కాంగ్రెస్ పార్టీ తరఫున అసోం నుంచి రాజ్యసభకు ఎన్నికవుతున్న విషయం తెలిసిందే. ఢిల్లీ నుంచి ఆయన గౌహతి చేరుకుని దిస్పూర్ ప్రభుత్వ ఉన్నత పాఠశలలో ఓటుహక్కు వినియోగించుకున్నారు. ఇదిలావుంటే, పశ్చిమ బెంగాల్‌లో తొలి విడత శాసనసభ ఎన్నికలు జరిగిన నియోజకవర్గాల్లో వివాదాస్పదంగా మారిన 31 నియోజకవర్గాలకు సోమవారం పోలింగ్ నిర్వహించారు. ఈ నియోజకవర్గాల్లో సాయంత్రం 4.30 గంటల వరకు దాదాపు 75 శాతం మంది ఓటు హక్కు వినియోగించుకున్నట్లు అధికారులు తెలిపారు.
చిత్రం అసోంలోని దిస్పూర్ నియోజకవర్గంలో ఓటు వేసిన మాజీ ప్రధాని మన్మోహన్ సింగ్
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.