జాతీయ వార్తలు
ప్రైవేట్ ఏజన్సీలు డేటా సేకరించడం సరికాదు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 5: ఆధార్ పథకం రాజ్యాంగ చెల్లుబాటును సవాలు చేస్తూ దాఖలయిన పిటిషన్ల సత్వర విచారణకు సుప్రీంకోర్టు గురువారం నిరాకరిస్తూ, అయితే ప్రైవేట్ ఏజన్సీలు దీనికి సంబంధించిన డేటా సేకరించడం మంచి ఆలోచన కాదని వ్యాఖ్యానించింది. ఇది వ్యక్తి స్వేచ్ఛకు భంగకరమని పేర్కొంటూ, తమ పిటిషన్లను సత్వరం విచారించాలని ఒక పిటిషనర్ తరఫు సీనియర్ అడ్వకేట్ శ్యామ్ దివాన్ కోరినప్పుడు ప్రధాన న్యాయమూర్తి జస్టిస్ జెఎస్ ఖేహర్ నేతృత్వంలోని బెంచ్ ఈ వ్యాఖ్యలు చేసింది. ‘వనరులు పరిమితంగా ఉన్న కారణంగా దీనిపై మేము వెంటనే తీర్పు ఇవ్వలేము. అయితే ప్రైవేట్ ఏజన్సీలు డేటా సేకరించడం అనేది గొప్ప ఐడియా కాదు’ అని న్యాయమూర్తులు ఎన్‌వి రమణ, డివై చంద్రచూడ్‌లతో కూడిన బెంచ్ వ్యాఖ్యానించింది. ప్రైవేట్ ఏజన్సీలు బయోమెట్రిక్ వివరాలను సేకరిస్తూ ఉన్నందున వ్యక్తుల వ్యక్తిగత స్వేచ్ఛకు భంగం కలిగే అవకాశమున్నందున ఈ విషయాలను అత్యవసరంగా విచారించాల్సిన అవసరం ఉందని ఒక పిటిషనర్ తరఫున వాదించిన దివాన్ పేర్కొన్నారు. 2015 అక్టోబర్ 15న సుప్రీంకోర్టు ఆధార్‌పై తాను ఇంతకుముందు విధించిన ఆంక్షలను ఎత్తివేస్తూ, ఈ నిబంధనలు అన్ని పింఛను పథకాలకు, ప్రభుత్వ సంక్షేమ పథకాలకు వర్తిస్తాయని పేర్కొన్న విషయం తెలిసిందే. ఆధార్ పథకాన్ని సవాలు చేస్తూ దాఖలయిన పిటిషన్లను విచారించడానికి విస్తృత ధర్మాసనాన్ని ఏర్పాటు చేయాల్సిన అవసరం ఉందని అదే ఏడాది త్రిసభ్య ధర్మాసనం అభిప్రాయపడింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.