జాతీయ వార్తలు
విస్తృత ధర్మాసనమే తేలుస్తుంది
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 5: త్వరలో అయిదు రాష్ట్రాల్లో అసెంబ్లీ ఎన్నికలు జరగనున్న నేపథ్యంలో తీవ్రమైన నేరాల కేసుల్లో విచారణను ఎదుర్కొంటున్న వ్యక్తులను ఎన్నికల్లో పోటీ చేయడానికి అనుమతించ వచ్చా, విచారణ ఏ దశలో ఓ ప్రజాప్రతినిధి అనర్హతకు గురవుతాడనే అంశాలపై నిర్ణయించడానికి త్వరలోనే అయిదుగురు న్యాయమూర్తులతో విస్తృత ధర్మాసనాన్ని ఏర్పాటు చేస్తామని సుప్రీంకోర్టు గురువారం తెలియజేసింది. ‘వచ్చే ఎన్నికల నాటికల్లా చట్టం గురించి జనం తెలుసుకోవడానికి వీలుగా మేము ఈ విషయంపై స్పష్టత ఇవ్వాల్సి ఉంది’ అని ప్రధాన న్యాయమూర్తి జస్టిస్ జెఎస్ ఖేహర్ నేతృత్వంలోని బెంచ్ వ్యాఖ్యానించింది. రాబోయే అసెంబ్లీ ఎన్నికల్లో కోర్టుల్లో తీవ్రమైన నేరాలకుగాను విచారణను ఎదుర్కొంటున్న కరుడుగట్టిన నేరస్థులు పలువురు పోటీ చేయాలని అనుకుంటున్నందున ఈ అంశాలను వీలయినంత త్వరగా తేల్చాల్సిన అవసరం ఉందన్న వాదనలను పరిశీలించిన సందర్భంగా బెంచ్ ఈ వ్యాఖ్యలు చేసింది. ‘ఈ విషయాలను నిర్ణయించడానికి మేము త్వరలోనే రాజ్యాంగ ధర్మాసనాన్ని ఏర్పాటు చేస్తాం’ అని న్యాయమూర్తులు ఎన్‌వి రమణ, డివై చంద్రచూడ్ సభ్యులుగా ఉన్న బెంచ్ వ్యాఖ్యానించింది. తీవ్రమైన నేరాల్లో విచారణను ఎదుర్కొంటున్న చాలామంది ఈ అసెంబ్లీ ఎన్నికల్లో పోటీ చేసి గెలుపొందాలని అనుకొంటూ ఉన్నందున న్యాయపరమైన ఈ ప్రశ్నలను శాశ్వతంగా పరిష్కరించాల్సిన అవసరం ఉందన్న కారణంగా ఈ అంశంపై దాఖలయిన ప్రజాప్రయోజన వ్యాజ్యాలను అత్యవసరంగా విచారించాల్సిన అవసరం ఉందని పిల్ దాఖలు చేసిన న్యాయవాది, ఢిల్లీ బిజెపి అధికార ప్రతినిధి అశ్వినీకుమార్ ఉపాధ్యాయ్ తరఫున వాదించిన సీనియర్ అడ్వకేట్ వికాస్ సింగ్ అన్నారు. ఈ ప్రశ్నలకు తాము తక్షణమే సమాధానమివ్వలేమని, ఎందుకంటే ఎన్నికల సమయంలో తప్పుడు కేసులు పెట్టవచ్చనే భయం ఉందని వాదోపవాదాల సందర్భంగా బెంచ్ వ్యాఖ్యానించింది.
క్రిమినల్ విచారణను ఎదుర్కొంటున్న ఒక ప్రజాప్రతినిధిని దోషిగా నిర్ధారించే సమయంలో అనర్హుడిగా ప్రకటించాలా లేక అభియోగాలు నమోదు చేసే సమయంలో ప్రకటించాలా తదితర అంశాలను విస్తృత ధర్మాసనం నిర్ణయించాలని పేర్కొంటూ ముగ్గురు న్యాయమూర్తుల ధర్మాసనం గత ఏడాది మేలో ఉపాధ్యాయ్ దాఖలు చేసిన పిల్ సహా పలు పిటిషన్లను ప్రధాన న్యాయమూర్తికి నివేదించింది. ప్రస్తుతం తీవ్రమైన నేరాలకు సంబంధించిన కేసుల్లో విచారణను ఎదుర్కొంటున్న వ్యక్తి ఎన్నికల్లో పోటీ చేయడానికి వీలులేదు. అలాగే ఒకవేళ దోషిగా నిర్ధారణ అయిన పక్షంలో ఎన్నికయిన ప్రజాప్రతినిధి ఎన్నికల్లో పోటీ చేయడానికి అనర్హుడవుతాడు. ఇదే అంశాలను లేవనెత్తుతూ పిల్స్ దాఖలు చేసిన వారిలో ఉపాధ్యాయ్ కాకుండా మాజీ ఎన్నికల ప్రధానాధికారి జెఎం లింగ్డో, ‘పబ్లిక్ ఇంట్రెస్ట్ ఫౌండేషన్’ అనే స్వచ్ఛంద సంస్థ ఉన్నాయి. ఈ పిల్స్‌ను త్వరలో ఏర్పాటు చేయబోయే విస్తృత ధర్మాసనానికి నివేదిస్తారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.