జాతీయ వార్తలు
‘సైకిల్’ రాకపోతే మా గుర్తు ఇస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
లక్నో, జనవరి 15: ఉత్తరప్రదేశ్‌లో అధికార సమాజ్‌వాది పార్టీలో విభేదాలు తలెత్తడం, కుమారుడు అఖిలేష్ యాదవ్ దూరం కావడంతో దాదాపుగా ఒంటరై పోయి పార్టీ గుర్తు సైకిల్‌కోసం పోరాడుతున్న ములాయం సింగ్‌కు అనుకోని ఆఫర్ లభించింది. ఎన్నికల కమిషన్ గనుక ఒకవేళ సైకిల్ గుర్తును అఖిలేష్‌కు కేటాయించినా లేక ఇరు వర్గాల్లో ఎవరికీ కేటాయించకుండా స్తంభింపజేసినా తమ పార్టీ గుర్తును, జాతీయ అధ్యక్ష పదవిని అప్పగిస్తామని ములాయం సింగ్‌కు లోక్‌దళ్ ఆఫర్ చేసింది. లోక్‌దళ్ జాతీయ అధ్యక్షుడు సునీల్ సింగ్ ఆదివారం విలేఖరుల సమావేశంలో ఈ మేరకు ప్రకటన చేశారు. లోక్‌దళ్ పార్టీ గుర్తును, జాతీయ అధ్యక్ష పదవిని ములాయం సింగ్‌కు ఇస్తామని, ఆయనతో కలిసి యుపి ఎన్నికల్లో పోటీ చేయడానికి తమ పార్టీ సిద్ధమేనని సునీల్ సింగ్ చెప్పారు. ఈ రోజు ములాయం సింగ్‌ను కలిసి ఈ ప్రతిపాదన చేసినట్లు ఆయన చెప్పారు. సిబిఐ కేసునుంచి తన కుమారుడు, కుమార్తెను కాపాడుకోవడానికి రాంగోపాల్ యాదవ్ ప్రయత్నిస్తున్నారని, ఆయన మాటలు నమ్మవద్దని, తండ్రి ములాయం మాట ప్రకారమే నడుచుకోవాలని ఆయన అఖిలేశ్‌కు సూచించారు.
నాగలితో పొలం దున్నుతున్న రైతు.. లోక్‌దళ్ గుర్తు. ఈ పార్టీకి ఇసి గుర్తింపు ఉంది. 1980లో సోషలిస్టు నాయకుడు చరణ్ సింగ్ ఈ పార్టీని ఏర్పాటు చేశారు. అప్పట్లో ములాయం సింగ్ ఈ పార్టీ వ్యవస్థాపక సభ్యుల్లో ఒకరు. అయితే ఆ తర్వాత జరిగిన రాజకీయ పరిణామాల కారణంగా ములాయం ఆ పార్టీకి దూరమై సమాజ్‌వాది పార్టీని ఏర్పాటు చేశారు. 2012 యుపి అసెంబ్లీ ఎన్నికల్లో లోక్‌దళ్ 76 స్థానాలకు పోటీ చేసింది కానీ, ఒక్క స్థానంలో కూడా గెలవలేదు.
సైకిల్ గుర్తు కేటాయింపుపై తీర్పు రిజర్వు చేసిన ఎన్నికల కమిషన్ తన తీర్పును ప్రకటించిన తర్వాత తమ ముందున్న మార్గాలు, ఆ తీర్పు ప్రభావం ఎన్నికలపై ఉంటుందనే దానిపై ఎస్పీలోని ప్రత్యర్థి వర్గాల నేతలు ఆదివారం రోజంతా తమ సన్నిహితులతో మంతనాలు జరిపిన నేపథ్యంలో లోక్‌దళ్ ఈ ఆఫర్‌ను ప్రకటించడం గమనార్హం. పార్టీ టికెట్లు ఆశిస్తున్న ఆశావహులు పెద్దఎత్తున తమ మద్దతుదారులతో లక్నోలోని అఖిలేశ్, ములాయం నివాసాలకు ఆదివారం చేరుకుంటుండడంతో ఇరు వర్గాల శిబిరాలు సందడిగా మారాయి.
దేశం వదిలిపెట్టి వెళ్తున్నా: అమర్‌సింగ్
పార్టీలో తలెత్తిన సంక్షోభం, కుటుంబ కలహంగా మారడం, ములాయంకు సన్నిహితుడైన అమర్‌సింగ్‌ను పార్టీనుంచి బహిష్కరించాలని ముఖ్యమంత్రి అఖిలేశ్ డిమాండ్ చేస్తున్న నేపథ్యంలో తాను దేశం వదిలిపెట్టి వెళ్తున్నానని, రాష్ట్రంలో ఎన్నికలు ముగిసే దాకా తిరిగి రానని అమర్ సింగ్ ఆదివారం ప్రకటించారు. అనారోగ్యంతో బాధపడుతున్న అమర్ సింగ్ లండన్‌లో చికిత్స చేయించుకోవడానికి వెళుతున్నట్లు చెప్పుకొన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.