జాతీయ వార్తలు
ఇంద్రాణి, పీటర్ ముఖర్జీలపై అభియోగాలు నమోదు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జనవరి 17: దేశవ్యాప్తంగా సంచలనం సృష్టించిన ముంబయికి చెందిన షీనాబోరా హత్య కేసులో తల్లి ఇంద్రాణి ముఖర్జీ, ఆమె భర్త పీటర్ ముఖర్జీ, మాజీ భర్త సంజీవ్ ఖన్నాలపై మంగళవారం స్థానిక సిబిఐ కోర్టులో హత్య, నేరపూరిత కుట్ర అభియోగాలు నమోదు చేయడంతో వారిపై విచారణ ప్రారంభం కావడానికి రంగం సిద్ధమయింది. కాగా, తన భర్త పీటర్ ముఖర్జీతో విడాకులు తీసుకోవాలని అనుకుంటున్నట్లు ఇంద్రాణి ఈ సందర్భంగా న్యాయమూర్తికి తెలియజేయగా, ఇది మీ ఇద్దరూ తేల్చుకోవలసిన అంశమని, దానితో కోర్టుకు సంబంధం లేదని జడ్జి స్పష్టం చేశారు. నిందితులందరిపైనా ఐపిసిలోని 120(బి) (నేరపూరిత కుట్ర), 302 (హత్య) తదితర అభియోగాలు మోపారు. అనంతరం జడ్జి హెచ్ ఎస్ మహాజన్ విచారణ ప్రారంభం కావడానికి ఫిబ్రవరి 1వ తేదీని నిర్ణయించారు. కాగా నిందితులు ముగ్గురు కూడా తాము నిర్దోషులమని వాదించారు. ఇదే కాకుండా షీనా బోరా సోదరుడు మైకేల్ బోరాను హత్య చేయడానికి ప్రయత్నించారని ఇంద్రాణి, ఆమె మాజీ భర్త సంజీవ్ ఖన్నాలపై మరో కేసు కూడా నమోదైంది. 2012 ఏప్రిల్ 24న ఇంద్రాణి తన మాజీ భర్తతో కలిసి కుమార్తె షీనాబోరాను కారులోనే హత్య చేశారన్న ఆరోపణలతో సిబిఐ కేసు నమోదు చేసి దర్యాప్తు చేస్తున్న విషయం తెలిసిందే.
చిత్రం..ఇంద్రాణి ముఖర్జీ
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.