జాతీయ వార్తలు
దిగివచ్చిన అమెజాన్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 20: జాతిపిత మహాత్మా గాంధీ బొమ్మను ముద్రించిన చెప్పులను అమ్ముతూ భరత జాతిని అవమానించిన అంతర్జాతీయ ఆన్‌లైన్ మార్కెటింగ్ దిగ్గజ సంస్థ ‘అమెజాన్’ ఎట్టకేలకు దిగివచ్చింది. సున్నిత మనస్కులైన భారతీయుల మనోభావాలను గౌరవించాలని కేంద్ర ప్రభుత్వం డిమాండ్ చేయడంతో ఈ చెప్పుల అమ్మకాలను నిలిపివేసింది. విదేశీ వ్యవహారాల శాఖ (ఎంఇఎ) అధికార ప్రతినిధి వికాస్ స్వరూప్ ఈ విషయాన్ని వెల్లడించారు. థర్డ్ పార్టీ వ్యాపారులకు వేదికగా నిలుస్తున్న అమెజాన్‌కు భారతీయుల మనోభావాలను గౌరవించాల్సిందిగా స్పష్టం చేయాలని వాషింగ్టన్‌లోని భారత రాయబారిని ఆదేశించడం జరిగిందని, ఈ విషయమై వాషింగ్టన్‌తో పాటు ఢిల్లీలోని అమెజాన్ అధికారులతో తాము నిర్మాణాత్మక చర్చలు జరపడంతో ఆ సంస్థ ఆ చెప్పుల అమ్మకాలను నిలిపివేసిందని వికాస్ స్వరూప్ తెలిపారు. భారత జాతీయ పతకాన్ని ముద్రించి ఉన్న డోర్ మ్యాట్లను అమ్ముతుండటంతో కెనడాలోని అమెజాన్ శాఖకు విదేశీ వ్యవహారాల శాఖ మంత్రి సుష్మా స్వరాజ్ గత వారం ఇదేవిధమైన ఫిర్యాదు చేసిన విషయం విదితమే. భారతీయుల మనోభావాలను దెబ్బతీసే విధంగా వ్యవహరిస్తే భారత్‌లోని అమెజాన్ ఉద్యోగుల నుంచి వీసాలను వెనక్కి తీసేసుకోవడంతో పాటు ఇకముందు ఆ సంస్థ ఉద్యోగులకు భారత వీసాలను మంజూరు చేయబోమని సుష్మా స్వరాజ్ ఘాటుగా హెచ్చరించడంతో ఆ డోర్ మ్యాట్ల అమ్మకాలను అమెజాన్ నిలిపివేసింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.