జాతీయ వార్తలు
హత్యలు, లూటీల్లోనే అగ్రగామి
S ,7 à 8 RSCA (si SASPAS) et 6 cialis pharmacie cialis rapports de stage.
సోనెభద్ర (ఉత్తరప్రదేశ్), మార్చి 6: ఉత్తరప్రదేశ్ ముఖ్యమంత్రి అఖిలేశ్ యాదవ్ రాష్ట్రాన్ని హత్యలు, లూటీలు, మహిళలపై నేరాలలో మొదటి స్థానానికి తీసుకెళ్లారని బిజెపి అధ్యక్షుడు అమిత్ షా విమర్శించారు. ఉత్తరప్రదేశ్‌లో తమ పార్టీ అధికారంలోకి వస్తే రాష్ట్రంలోని అన్ని కబేళాలను మూసివేస్తామని ఆయన మరోసారి హామీ ఇచ్చారు. రాష్ట్ర వ్యాప్తంగా రక్తం స్థానంలో పాలు, నెయ్యిని పారిస్తామని అన్నారు. సోమవారం ఇక్కడ జరిగిన ఒక ఎన్నికల సభలో అమిత్ షా మాట్లాడుతూ ‘దయచేసి అఖిలేశ్‌కు ఎలాంటి అన్యాయం చేయకండి’ అని ప్రజలను ఉద్దేశించి అంటూ సిఎంపై వ్యంగ్యాస్త్రాలు సంధించారు. ఉత్తరప్రదేశ్‌ను హత్యలు, లూటీలు, మహిళలపై నేరాల్లో అగ్ర స్థానానికి చేర్చిన అఖిలేశ్ ‘చేసిన పనులే చెబుతాయి’ అంటున్నారని అమిత్ షా మండిపడ్డారు. ‘వాస్తవానికి చేసిన తప్పుడు పనులు చెబుతాయి’ అని ఆయన అన్నారు. గనులున్న ప్రాంతాల్లో గనులపై వచ్చే ఆదాయంలో ఒక శాతాన్ని ఆ ప్రాంత అభివృద్ధికి ఖర్చు చేసే విధంగా ప్రధానమంత్రి నరేంద్ర మోదీ చర్యలు తీసుకున్నారని ఆయన పేర్కొంటూ, సోనెభద్రలో మీరు అలాంటి లబ్ధి పొందుతున్నారా? అని ప్రజలను ప్రశ్నించారు. లేదని ప్రజలు సమాధానమిచ్చారు. కాంగ్రెస్ ఉపాధ్యక్షుడు రాహుల్ గాంధీ, సిఎం అఖిలేశ్ యాదవ్‌లపై ఆయన వ్యంగ్యాస్త్రాలు సంధించారు. ‘రాష్ట్రంలో ఇద్దరు యువరాజులు ఉన్నారు. ఒకరు (రాహుల్ గాంధీ) తన తల్లికి కష్టకాలాన్ని చవిచూపిస్తున్నారు. ఇంకొకరు (అఖిలేశ్ యాదవ్) తన తండ్రికి కష్టకాలాన్ని చవిచూపిస్తున్నారు. ఈ ఇద్దరి భారాన్ని మొత్తం రాష్ట్రం మోస్తోంది’ అని ఆయన అన్నారు. ఎస్‌పి, బిఎస్‌పిల వరుస పాలన వల్ల ఉత్తరప్రదేశ్ అభివృద్ధి కుంటుపడిపోయిందని ఆయన అన్నారు. రాష్ట్ర అభివృద్ధికోసం బిజెపిని అధికారంలోకి తీసుకు రావాలని ఆయన ఓటర్లను కోరారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.