జాతీయ వార్తలు
శ్రీనగర్ ఉప ఎన్నిక హింసాత్మకం
S ,7 à 8 RSCA (si SASPAS) et 6 cialis pharmacie cialis rapports de stage.
శ్రీనగర్, ఏప్రిల్ 9: జమ్మూ-కాశ్మీరులోని శ్రీనగర్ లోక్‌సభ నియోజకవర్గానికి ఆదివారం నిర్వహించిన ఉప ఎన్నిక హింసాత్మక ఘటనలతో అట్టుడికింది. దీంతో మధ్యాహ్నం 3 గంటల వరకు కేవలం 5.84 శాతం మాత్రమే పోలింగ్ నమోదైంది. ఈ నియోజకవర్గంలోని వివిధ ప్రాంతాల్లో అల్లరి మూకలను చెదరగొట్టేందుకు భద్రతా దళాలు జరిపిన కాల్పుల్లో ఆరుగురు మృతిచెందగా, అనేక మంది గాయపడ్డారు. మృతుల్లో ఇద్దరు బద్గావ్ జిల్లా చరారే షరీఫ్‌లోని పకీర్‌పురాలోనూ, మరో ఇద్దరు బీర్వా ఏరియాలోనూ హతమవగా, ఇదే జిల్లాలోని చదూరా ఏరియాలో ఒకరు, మగావ్ టౌన్‌లో మరొకరు మృతిచెందారు. శ్రీనగర్ ఉప ఎన్నికను నిరసిస్తూ లోక్‌సభ నియోజకవర్గ పరిధిలోని వివిధ ప్రాంతాల్లో నిర్వహించిన ప్రదర్శనలు హింసాత్మకంగా మారడంతో బద్గావ్ జిల్లాలో ఎన్నికల సిబ్బంది దాదాపు 70 శాతం పోలింగ్ బూత్‌లను మూసివేశారని అధికారులు తెలిపారు. గండేర్బల్ జిల్లాలో ఒక పోలింగ్ బూత్‌కు పెట్రోల్ బాంబులు విసరడంతో పాటు భద్రతా సిబ్బందిపై రాళ్లు రువ్విన అల్లరి మూకను చెదరగొట్టేందుకు సైనిక జవాన్లను రంగంలోకి దింపాల్సి వచ్చింది. అలాగే బద్గావ్ జిల్లా చరారే షరీఫ్ ఏరియాలోని పకీర్‌పురా పోలింగ్ స్టేషన్‌ను మట్టడించిన వందలాది మంది నిరసనకారులను చెదరగొట్టేందుకు భద్రతా సిబ్బంది కాల్పులు జరపడంతో ఆరుగురికి గాయాలయ్యాయని, వీరిలో మొహమ్మద్ అబ్బాస్ (20), ఫైజాన్ అహ్మద్ (15) అనే ఇద్దరు యువకులు బుల్లెట్ గాయాలతో మృతిచెందారని అధికారులు వివరించారు. ఇదేవిధంగా బీర్వా ఏరియాతో పాటు చదూరా అసెంబ్లీ నియోజకవర్గ పరిధిలోని దౌలత్‌పురా, మగావ్ టౌన్‌లో అల్లరి మూకలను చెదరగొట్టేందుకు భద్రతా సిబ్బంది జరిపిన కాల్పుల్లో మరో నలుగురు మృతిచెందగా, అనేక మంది గాయపడ్డారు. కాగా, శ్రీనగర్ లోక్‌సభ నియోజకవర్గ ఉప ఎన్నికను సజావుగా నిర్వహించడంలో ముఖ్యమంత్రి మెహబూబా ముఫ్తీ నేతృత్వంలోని రాష్ట్ర ప్రభుత్వం ఘోరంగా విఫలమైందని ప్రతిపక్ష నేషనల్ కాన్ఫరెన్స్ నాయకులు ఫరూక్ అబ్దుల్లా, ఆయన కుమారుడు ఒమర్ అబ్దుల్లా విమర్శించారు.
చిత్రం..జమ్మూ-కాశ్మీరులోని శ్రీనగర్ లోక్‌సభ నియోజకవర్గంలో అల్లరి మూకలను చెదరగొడుతున్న భద్రతా దళాలు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.