జాతీయ వార్తలు
స్కూళ్లా.. వ్యాపార సంస్థలా!
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 20:వ్యాపార సంస్థలుగా కాకుండా విద్యా సంస్థలుగా వ్యవహరించాలని తన అనుబంధ పాఠశాలలకు సిబిఎస్‌ఇ చురక వేసింది. స్కూళ్లలోనే లేదా ఎంపిక చేసిన కొన్ని దుకాణాల్లో పాఠ్య పుస్తకాలు, స్టేషనరీ విక్రయాన్ని తప్పుబట్టింది. ఈ విషయంలో పిల్లల తల్లిదండ్రుల నుంచి వచ్చిన ఫిర్యాదులపై సిబిఎస్‌ఇ తీవ్రంగా స్పందించింది. అనుబంధ స్కూళ్లకు సంబంధించిన బై లాలను త్రికరణ శుద్ధిగా అనుసరించాలని, దానికి విరుద్ధంగా స్కూళ్లు, ఎంపిక చేసిన దుకాణాల్లో పుస్తకాలు, స్టేషనరీ విక్రయాన్ని కట్టిపెట్టాలని గట్టిగా కోరింది. అలాగే ఎన్‌సిఇఆర్‌టి పాఠ్య పుస్తకాలనే వినియోగించాలనీ స్పష్టం చేసింది. ఎన్‌సిఇఆర్‌టి/సిబిఎస్‌ఇ పుస్తకాలను కాకుండా ఇతర ప్రచురణలనే కొనాలని తమపై వత్తిడి వస్తున్న విషయాన్ని పిల్లల తల్లి దండ్రులు తమ ఫిర్యాదులో పేర్కొనడంతో సిబిఎస్‌ఇ ఈ మేరకు ఆదేశాలు జారీ చేసింది. సిబిఎస్‌ఇ బైలాల ప్రకారం అనుబంధ స్కూళ్లు కమ్యూనిటీ సర్వీసుగానే నడవాల్సి ఉంటుందని, ఎట్టి పరిస్థితుల్లోనూ స్కూలు ప్రాంగణాల్లో వ్యాపారపరమైన విక్రయాలేవీ ఉండకూడదని స్పష్టం చేసింది. నాణ్యతాయుతమైన విద్యా బోధనే స్కూళ్ల లక్ష్యం కావాలే తప్ప వ్యాపార సంస్థల్లాగ లాభాలు ఆర్జించడం కాదని తెలిపింది. తాము జారీ చేసిన మార్గదర్శకాలు కచ్చితంగా అమలు అయ్యేలా చర్యలు తీసుకోవాలని స్కూళ్ల యాజమాన్యాలకు విజ్ఞప్తి చేసింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.