జాతీయ వార్తలు
పాన్‌కు ఆధార్ ఎందుకు తప్పనిసరి?
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 21: పర్మనెంట్ అకౌంట్ నంబర్ (పాన్) కార్డు పొందడానికి ఆధార్‌ను ఎందుకు తప్పనిసరి చేశారంటూ సుప్రీంకోర్టు శుక్రవారం కేంద్ర ప్రభుత్వాన్ని ప్రశ్నించింది. కొంతమంది తప్పుడు పత్రాల ఆధారంగా తీసుకున్న పాన్ కార్డు వివరాలను సమర్పిస్తున్నట్టు తేలిందని కేంద్రం తరపున వాదిస్తున్న అటార్నీ జనరల్ ముకుల్ రోహత్గి న్యాయమూర్తి ఎకె సిక్రి నేతృత్వంలోని సుప్రీంకోర్టు ధర్మాసనానికి చెప్పారు. ఒకే వ్యక్తి అనేక పాన్ కార్డులు కలిగి ఉండటం, షెల్ కంపనీలకు నిధులను తరలించడానికి ఈ నకిలీ పాన్ కార్డులను ఉపయోగించడం వంటి సంఘటనలు చోటు చేసుకున్నాయని ఆయ న ధర్మాసనానికి వివరించారు. దీనిపై ధర్మాసనం స్పందిస్తూ, ‘పాన్‌కు ఆధార్‌ను తప్పనిసరి చేయడం ఇలాంటి వాటిని నివారిస్తుందా? ఎందుకు తప్పనిసరి చేశారు?’ అని ధర్మాసనం ప్రశ్నించింది. అయితే, గతంలోనూ కొంతమంది నకిలీ ఐడెంటిటి కార్డులను ఉపయోగించి తమ మొబైల్ ఫోన్లలోకి సిమ్ కార్డులను తీసుకున్న విషయం వెలుగులోకి వచ్చిందని, అలాంటి వాటిని నియంత్రించాలని అత్యున్నత న్యాయస్థానం ప్రభుత్వాన్ని ఆదేశించిందని రోహత్గి బదులిచ్చారు. అనంతరం ప్రభుత్వం ప్రజలు పాన్ కార్డు పొందడానికి ఆధార్‌ను తప్పనిసరి చేయడాన్ని సవాలు చేస్తూ దాఖలయిన పిటిషన్‌పై వాదనలను ఏప్రిల్ 25న వింటానని ధర్మాసనం తెలిపింది. 2017-18 ఆర్థిక సంవత్సర బడ్జెట్ ఫైనాన్స్ బిల్లులో పన్ను ప్రతిపాదనలను సవరిస్తూ, ప్రభుత్వం ఆదాయపు పన్ను రిటర్న్‌లు దాఖలు చేయడానికి, పాన్ కార్డు పొందడానికి ఆధార్‌ను తప్పనిసరి చేసింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.