జాతీయ వార్తలు
అలాంటి కోడళ్లే కావాలి
S ,7 à 8 RSCA (si SASPAS) et 6 cialis pharmacie cialis rapports de stage.
పాట్నా, జూన్ 12: దీపం ఉండగానే ఇల్లు చక్కదిద్దుకోవాలనేది సామెత. బిహార్ మాజీ ముఖ్యమంత్రి, ఆర్‌జెడి అధినేత లాలూప్రసాద్ భార్య రబ్రీ దేవి అక్షరాలా ఇదే పద్ధతి పాటిస్తున్నట్లు కనిపిస్తోంది. బిహార్ ప్రభుత్వంలో మంత్రులుగా ఉన్న తన ఇద్దరు కుమారులు తేజ్‌ప్రతాప్ యాదవ్, తేజస్వి ప్రసాద్ యాదవ్‌లకు ఎలాంటి అమ్మాయిలు భార్యలుగా రావాలని కోరుకుంటున్నారో కూడా ఆమె బహిరంగంగానే ప్రకటించారు కూడా. లాలూప్రసాద్ 70వ జన్మదినోత్సవ వేడుకల సందర్భంగా ఆదివారం మీడియా వాళ్లు మీ ఇద్దరు కుమారులకు ఎలాంటివాళ్లు భార్యలుగా రావాలనుకుంటున్నారని ప్రశ్నించగా, సినిమా హాళ్లకు వెళ్లేవాళ్లు, షాపింగ్ మాల్స్ చుట్టూ తిరిగేవాళ్లు నా కొడుకులకు అక్కర్లేదు. నా లాగా పెద్దవాళ్లను గౌరవించే, ఇంటిపట్టునే ఉండే ‘సంప్రదాయక’ అమ్మాయిలే కావాలి’ ఆమె కుండబద్దలు కొట్టినట్లు చెప్పారు. తమ కుమారులకోసం తాము చాలా అమ్మాయిల ఫోటోలను చూశామని, అయితే వాళ్లలో చాలామంది తనకు నచ్చలేదని, అందుకే వాటిని తన కొడుకులకు కూడా చూపించలేదని రబ్రీ దేవి చెప్పారు. కాగా, ఇదే విషయమై లాలూ కుమారులను అడగ్గా, తమకు ఎలాంటి కోడళ్లు కావాలో తమ తల్లిదండ్రులే నిర్ణయం తీసుకుంటారంటూ వారు సమాధానం చెప్పడం గమనార్హం.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.