జాతీయ వార్తలు
రిటైర్మెంట్‌లోనూ జస్టిస్ కర్ణన్ రికార్డు
S ,7 à 8 RSCA (si SASPAS) et 6 cialis pharmacie cialis rapports de stage.
కోల్‌కతా, జూన్ 12: సుప్రీంకోర్టు న్యాయమూర్తులకే శిక్షలు విధించి, ఆపై కోర్టు ధిక్కరణ నేరానికి సుప్రీంకోర్టు ఆరు నెలల జైలుశిక్ష విధించడంతో పోలీసుల కళ్లు కప్పి తిరుగుతున్న వివాదాస్పద న్యాయమూర్తి జస్టిస్ సిఎస్ కర్ణన్ రిటైర్మెంట్‌లోను సరికొత్త రికార్డు సృష్టించారు. సోమవారం ఆయన కోల్‌కతా హైకోర్టు జడ్జిగా రిటైరయ్యారు. కర్ణన్ లేకపోవడం వల్ల రిటైరవుతున్న జడ్జి కోసం హైకోర్టు అధికారులు సంప్రదాయం ప్రకారం ఇచ్చే వీడ్కోలు కార్యక్రమం జరగలేదని కోల్‌కతా హైకోర్టు రిజిస్ట్రార్ జనరల్ సుగతో మజుందార్ చెప్పారు. రిటైర్ అయ్యాక కర్ణన్‌కు చెల్లించాల్సిన బకాయిల గురించి అడగ్గా, చట్టప్రకారం అన్ని లాంఛనాలు పూర్తి చేయడం జరుగుతుందని ఆయన చెప్పారు. రిటైరవుతున్న జడ్జికి లాయర్లు (బార్) కూడా వీడ్కోలు ఇవ్వడం సంప్రదాయం. జస్టిస్ కర్ణన్ గనుక ఇక్కడ ఉండి ఉంటే బార్ కూడా ఆయనకు వీడ్కోలు ఇచ్చే విషయాన్ని పరిశీలించేదని, అయితే ఆయన ఎక్కడ ఉన్నారో కూడా తమకు తెలియనందున ఆ ప్రశే్న ఉత్పన్నం కాలేదని అదనపు అడ్వకేట్ జనరల్ అభ్రతోష్ చౌదరి చెప్పారు. కోర్టు ధిక్కరణ నేరం కింద ఏడుగురు న్యాయమూర్తుల సుప్రీంకోర్టు విస్తృత ధర్మాసనం గత నెల 9న జస్టిస్ కర్ణన్‌కు ఆరునెలల జైలుశిక్ష విధిస్తూ ఆయనను కస్టడీలోకి తీసుకోవాలని పశ్చిమ బెంగాల్ పోలీసులను ఆదేశించడం తెలిసిందే. కర్ణన్ చెన్నైలోనే ఉన్నారని వార్తలు వచ్చినప్పటికీ కోల్‌కతానుంచి వచ్చిన పోలీసు బృందం దాదాపు నెల రోజులుగా నగరంలోనే ఉన్నప్పటికీ ఆయన జాడను కనిపెట్టలేకపోయింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.