జాతీయ వార్తలు
కాశ్మీర్‌లో రెచ్చిపోయన ఉగ్రవాదులు
S ,7 à 8 RSCA (si SASPAS) et 6 cialis pharmacie cialis rapports de stage.
శ్రీనగర్, జూన్ 16: జమ్మూ, కాశ్మీర్‌లోని అనంత్‌నాగ్ జిల్లాలో ఉగ్రవాదులు మరోసారి రెచ్చిపోయారు. పోలీసులు ప్రయాణిస్తున్న వాహనంపై భారీ ఆయుధాలు ధరించిన మిలిటెంట్లు జరిపిన దాడిలో ఆరుగురు పోలీసులు చనిపోయారు. చనిపోయిన వారిలో ఒక స్టేషన్ ఆఫీసర్ కూడా ఉన్నారు. అచబల్ గ్రామం వద్ద సాయుధ మిలిటెంట్లు పోలీసు వాహనంపై దాడి చేశారు. వాహనంలోని అంతమందిని చంపేసిన తర్వాత మిలిటెంట్లు వారి వద్ద ఉన్న ఆయుధాలను లాక్కొని పారిపోయారు. కాగా, అనంత్‌నాగ్‌లోని అర్వానీ వద్ద శుక్రవారం జరిగిన ఎన్‌కౌంటర్‌కు ప్రతీకారంగా ఈ దాడి జరిపి ఉంటారని పోలీసులు అంటున్నారు. ఒక భవనంలో దాగిన లష్కరే తోయిబాకు చెందిన కరుడుగట్టిన ఉగ్రవాది జునైద్ మట్టూను భద్రతా దళాలు ఆ ఎన్‌కౌంటర్‌లో మట్టుబెట్టిన విషయం తెలిసిందే. గాలింపు ఆపరేషన్ కొనసాగుతూ ఉండడంతో అతని మృతదేహాన్ని ఇంకా పోలీసులు స్వాధీనం చేసుకోలేదు. ఈ ఎన్‌కౌంటర్ జరుగుతున్నప్పుడు స్థానికులు పెద్ద సంఖ్యలో అక్కడికి చేరుకుని భద్రతా వలయాన్ని ఛేదించి మిలిటెంట్లు తప్పించుకొని పోయేలా చేసేందుకు ప్రయత్నించారు. దీంతో పోలీసులు వారిని చెదరగొట్టడానికి ప్రయత్నించడంతో ఒక టీనేజర్ సహా ఇద్దరు పౌరులు మృతి చెందగా, పలువురు గాయపడ్డారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.