జాతీయ వార్తలు
మునుపటి భారత్ కాదు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూన్ 30: ఇదివరకటి భారత్ కాదు ఆ తేడాను గుర్తించకుండా 1962లో లాగానే ఉందనుకోవద్దని చైనా కు రక్షణ మంత్రి అరుణ్ జైట్లీ ధీటైన సమాధానం చెప్పారు. తమ దేశ భూ భాగాన్ని భారత్ ఆక్రమిస్తోందని, ఒక్కసారి 1962లో ఏమి జరిగిందో భారత్ గుర్తుంచుకోవాలని చైనా పీపుల్స్ లిబరేషన్ ఆర్మీ(పిఎల్‌ఎ) ప్రతినిధి చేసిన వ్యాఖ్యలపై జైట్లీ ఘాటుగా స్పదించారు. ఆక్రమించుకున్న మా భూభాగంనుంచి భారత సైనికులు వెనక్కి వెళ్లకపోతే తీవ్ర పరిణామాలుంటాయని పిఎల్‌ఎ ప్రతినిధి గురువారం హెచ్చరించారు. భారత్ ఎప్పుడూ పరదేశ భూభాగాలను ఆక్రమించుకోలేదని, ఇటువంటివి చైనాకు అలవాటని జైట్లీ ఆరోపించారు. చైనా భారత్‌పై తప్పుడు ప్రచారం చేస్తోందని దుయ్యబట్టారు. తనకు తెలిసినంతవరకు చైనా భూటాన్ భూభాగంలోకి చొచ్చుకు వచ్చిందని, భూటాన్‌తో భారత్‌కు ఉన్న ఒప్పందం వల్ల పొరుగు దేశ రక్షణలో భాగంగా మాత్రమే తమ సైనికులు అక్కడ ఉన్నారని ఆయన స్పష్టం చేశారు. ఈ విషయంపై భూటాన్ ప్రభుత్వం కూడా తమకు స్పష్టతనిచ్చిందని జైట్లీ పేర్కొన్నారు. భారత్‌కు ఈశాన్యాన ఉన్న సరిహద్దు ప్రాంతం సిలిగురి కారిడార్‌కు సమీపంలోని దోకలా వద్ద భారత్, చైనా సైనికుల మధ్య కొద్ది రోజులుగా ఉద్రిక్త పరిస్థితులు కొనసాగుతున్న విషయం తెలిసిందే.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.