జాతీయ వార్తలు
లాలూకు షాక్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 7: ఆఠ్‌జెడి అధినేత, మాజీ రైల్వే మంత్రి లాలూప్రసాద్ యాదవ్, ఆయన కుటుంబ సభ్యులపై అవినీతి కేసు నమోదు చేసిన సిబిఐ శుక్రవారం పాట్నా సహా 12 చోట్ల దాడులు జరిపింది. ఈ రోజు ఉదయం ఏడు గంటలకు ప్రారంభమైన ఈ దాడులు పాట్నా, రాంచి, భువనేశ్వర్ సహా 12 ప్రాంతాల్లో జరిగినట్లు సిబిఐ అదనపు డైరెక్టర్ రాకేష్ ఆస్తానా ఇక్కడ విలేఖరుల సమావేశంలో చెప్పారు. భారత శిక్షాస్మృతి(ఐపిసి)లోని నేరపూరిత కుట్ర(120-బి), చీటింగ్ (420), అవినీతి చట్టం కింద ఈ కేసు నమోదు చేసినట్లు ఆస్తానా తెలిపారు. లాలూప్రసాద్ రైల్వే మంత్రిగా ఉన్న సమయంలో పూరీ, రాంచీలోని భారతీయ రైల్వేకు చెందిన బిఎన్‌ఆర్ హోటళ్లను ఓ ప్రైవేటు సంస్థకు కట్టబెట్టేందుకు కుట్ర జరిగిందని ఆయన చెప్పారు. ఈ హోటళ్లను మొదట ఐఆర్‌సిటిసికి బదిలీ చేయడం జరిగిందని, ఆ తర్వాత వీటి కార్యకలాపాల నిర్వహణకోసం పాట్నాలోని సుజాతా హోటల్స్ ప్రైవేట్ లిమిటెడ్ అనే ఓ ప్రైవేటు సంస్థకు లీజ్‌కు ఇవ్వడం జరిగిందని ఆయన చెప్పారు. ఈ హోటళ్లను బదిలీ చేసినందుకు గాను ఆ సంస్థ పశ్చిమ పాట్నాలోని అత్యంత విలువైన మూడెకరాల భూమిని లాలూప్రసాద్ కుటుంబానికి చెందిన డిలైట్ మార్కెటింగ్‌కు అతి తక్కువ ధరకు ఇచ్చిందని, దరిమిలా 2010, 2014 మధ్య కాలంలో ఈ భూమిని లాలూయాదవ్ కుటుంబానికే చెందిన మరో సంస్థ లారా ప్రాజెక్ట్స్‌కు బదిలీ చేయడం జరిగిందని ఆస్తానా వివరించారు. ఈ బదిలీ కూడా చాలా తక్కువ ధరకే జరిగిందని, భూమి విలువ మార్కెట్ ధర 32 కోట్లు కాగా, కేవలం 65 లక్షలకే లారా ప్రాజెక్ట్స్‌కు బదిలీ చేశారని ఆయన చెప్పారు. ఈ వ్యవహారంపై ప్రాథమిక దర్యాప్తు కొనసాగించిన తర్వాత ఈ నెల 5న కేసు నమోదు చేసినట్లు ఆయన చెప్పారు. లాలూప్రసాద్, ఆయన భార్య రబ్రీ దేవి, కుమారుడు, బిహార్ ఉప ముఖ్యమంత్రి తేజస్వి యాదవ్, మాజీ కేంద్ర మంత్రి అపేమ్‌చంద్ గుప్తా భార్య సరళా గుప్తా సహా సుజాతా హోటల్స్ డైరెక్టర్లు విజయ్ కొచార్, వినయ్ కొచార్, లారా ప్రాజెక్ట్స్‌గా అందరికీ తెలిసిన డిలైట్ మార్కెటింగ్ కంపెనీ, అప్పటి ఐఆర్‌సిటిసి మేనేజింగ్ డైరెక్టర్ పికె గోయల్‌లను ఎఫ్‌ఐఆర్‌లో నిందితులుగా పేర్కొన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.