జాతీయ వార్తలు
పదునుగా మీడియా ముందుకు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 13: కాంగ్రెస్ ఉపాధ్యక్షుడు రాహుల్ గాంధీ చైనా రాయబారి లువో జావోహుయ్‌తో జరిగిన చర్చల వివరాలను పత్రికలకు చెప్పే విషయంలో పార్టీ మీడియా విభాగం వ్యవహరించిన తీరుపట్ల కాంగ్రెస్ అధ్యక్షురాలు సోనియా గాంధీ ఆగ్రహంతో ఉన్నారు. మీడియా విభాగం కోరలు కత్తిరించేందుకు గత రాత్రి సీనియర్ నాయకులతో కమ్యూనికేషన్ స్ట్రాటజీ గ్రూపును ఏర్పాటు చేసినట్లు తెలిసింది. రాహుల్ గాంధీ చైనా రాయబారిని కలవలేదని మొదట చెప్పిన మీడియా విభాగం, ఆ తరువాత మాటమార్చి రాయబారిని కలుసుకున్నట్లు చెప్పటం తెలిసిందే. ఈ సంఘటన మూలంగా రాహుల్ గాంధీ ప్రతిష్ట బాగా దెబ్బతిన్నదని సోనియా గాంధీ భావిస్తున్నారు. అందుకే ఆమె లోక్‌సభలో కాంగ్రెస్‌పక్షం నాయకుడు మల్లికార్జున ఖర్గే, రాజ్యసభలో ప్రతిపక్షం నాయకుడు గులాం నబీ ఆజాద్, ఉపనాయకుడు ఆనంద్ శర్మ, సీనియర్ నాయకులు, మాజీ మంత్రులు పి.చిదంబరం, మణిశంకర్ అయ్యర్, జైరాం రమేష్, సిపిపి సీనియర్ నాయకుడు జ్యోతిరాధిత్య సింధియా, ఎంపీ సుష్మితాదేవ్, రణదీప్‌సింగ్ సుర్జేవాలా, పరిశోధనా విభాగం అధ్యక్షుడు రాజీవ్ గౌడతో ఏర్పాటు చేసిన ఈ కమిటీ క్రమం తప్పకుండా సమావేశమై తాజా పరిస్థితులు సమీక్షించిన అనంతరం పత్రికలకు ఏం చెప్పాలనేది మీడియా విభాగానికి సూచిస్తుంది. కమ్యూనికేషన్ స్ట్రాటజీ గ్రూపు చేసే సూచనలు, ఇచ్చే సలహాల ఆధారంగానే పార్టీ మీడియా విభాగం పత్రికా విలేఖరులతో మాట్లాడవలసి ఉంటుంది. రాహుల్ గాంధీ చైనా రాయబారిని కలిసి సిక్కిం సెక్టార్‌లో భారత్, చైనా సైనికుల మధ్య నెలకొన్న ఉద్రిక్త పరిస్థితుల గురించి చర్చించారు. ఈ విషయం బైటికిరాగానే పత్రికా విలేఖరులు కాంగ్రెస్ మీడియా విభాగాన్ని వివరణ అడిగారు. దీనికి రణదీప్‌సింగ్ సుర్జేవాలా స్పందిస్తూ రాహుల్ గాంధీ చైనా రాయబారిని కలిసినట్లు వచ్చిన వార్తల్లో నిజం లేదని చెప్పారు. అయితే ఆ తరువాత రెండు గంటలకే మనీష్ తివారీ మాట్లాడుతూ పార్టీ ఉపాధ్యక్షుడు చైనా రాయబారిని కలుసుకున్నారని చెబుతూ, దీనిని రాజకీయం చేయటం మంచిది కాదని సూచించారు. దీనితో రాహుల్ గాంధీ చైనా రాయబారిని కలుసుకోవటం అత్యంత వివాదాస్పద అంశంగా మారింది. భారత, చైనా సైనికుల మధ్య ఉద్రిక్తత నెలకొన్న సమయంలో రాహుల్ గాంధీ చైనా రాయబారిని ఎందుకు కలుసుకున్నారంటూ బిజెపి ప్రశ్నించింది. ఈ వ్యవహారమంతా రాహుల్ ప్రతిష్టను దిగజార్చిందని భావించిన సోనియా కాంగ్రెస్ మీడియా విభాగం అధికారాలను కత్తిరించటంతోపాటు దానిపై సీనియర్ నాయకులతో కూడిన పర్యవేక్షణ కమిటీని ఏర్పాటు చేశారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.