జాతీయ వార్తలు
ఎన్‌హెచ్‌గా రాజీవ్ రోడ్డు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 3: హైదరాబాద్ -సిద్దిపేట -కరీంనగర్ -రామగుండం మధ్యనున్న 240 కిలోమీటర్ల రాజీవ్ రహదారిని అప్‌గ్రేడ్ చేసి జాతీయ రహదారిగా ప్రకటించేందుకు కేంద్ర ఉపరితల రవాణ మంత్రి నితిన్ గడ్కరీ సూత్రప్రాయంగా అంగీకరించారు. లోక్‌సభ ప్రశ్నోత్తరాల కార్యక్రమంలో తెరాస సభ్యుడు బి వినోద్‌కుమార్ అడిగిన అనుబంధ ప్రశ్నకు గడ్కరీ బదులిస్తూ రాజీవ్ రహదారిని అప్‌గ్రేడ్ చేయాలంటే మొదట ఇందుకు సంబంధించిన కాంట్రాక్టర్‌కు నష్టపరిహారం చెల్లించాల్సి ఉంటుందన్నారు. రోడ్డు విలువను అంచనా వేసేందుకు తమ శాఖ విధానాన్ని రూపొందిస్తోందని, అనంతరం కాంట్రాక్టర్‌కు పరిహారం చెల్లించి అప్‌గ్రెడేషన్ చేపడతామని గడ్కరీ హామీ ఇచ్చారు. పదిహేను రోజుల్లో విధాన నిర్ణయం తీసుకుంటామన్నారు. తమ ప్రభుత్వం ఆంధ్రప్రదేశ్, తెలంగాణ రాష్ట్రాల మధ్య ఎలాంటి పక్షపాతం చూపించటం లేదన్నారు. తెలంగాణ ప్రభుత్వం రహదారుల విషయంలో ఎదుర్కొంటున్న సమస్యలను పరిష్కరిస్తామని, రాష్ట్ర ముఖ్యమంత్రి, గౌరవ సభ్యుడు చేసే సిఫార్సులను నూటికి నూరుశాతం ఆమోదిస్తామని గడ్కరీ హామీ ఇచ్చారు. తొలుత వినోద్‌కుమార్ మాట్లాడుతూ ఉమ్మడి ఆంధ్ర పాలనలో జాతీయ రహదారుల అంశానికి సంబంధించినంత వరకు తెలంగాణకు తీరని నష్టం వాటిల్లిందని చెప్పారు. రోడ్ల విస్తరణకు ఎదురవుతున్న భూసేకరణ సమస్యను పరిష్కరించేందుకు ప్రభుత్వం పెద్దఎత్తున ప్రయత్నిస్తోందని తెలిపారు. హైదరాబాద్ నుంచి రామగుండం వరకు ఉన్న 240 కిలోమీటర్ల రోడ్డును అప్‌గ్రేడ్ చేసేందుకు అప్పటి కాంగ్రెస్ ప్రభుత్వం అంగీకరించి పని పూర్తి చేయలేదన్నారు. 240 కిలోమీటర్లలోని 82 కిలోమీటర్ల రహదారిపై 60 మలుపులు ఉన్నాయని, దీనివలన ప్రమాదాలు సంభవిస్తున్నాయి అని అన్నారు. తెలంగాణ ఏర్పడిన అనంతరం రోడ్డును జాతీయ రహదారిగా అప్‌గ్రేడ్ చేయాలని గడ్కరీకి సిఎం విజ్ఞప్తి చేశారని గుర్తు చేశారు. రహదారిని జాతీయ రహదారిగా ప్రకటించాలని నితిన్ గడ్కరీని సభ్యుడు వినోద్ కోరారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.