జాతీయ వార్తలు
పురోహిత్ బెయిల్ పిటిషన్‌పై తీర్పు వాయిదా వేసిన సుప్రీం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 17: మధ్యంతర బెయిలు మంజూరు చేయాలని కోరుతూ 2008 మాలెగావ్ బాంబు పేలుళ్ల కేసులో నిందితుల్లో ఒకరయిన లెఫ్టెనెంట్ కల్నల్ శ్రీకాంత్ ప్రసాద్ పురోహిత్ దాఖలు చేసుకున్న పిటిషన్‌పై సుప్రీంకోర్టు తన తీర్పును గురువారం వాయిదా వేసింది. పిటిషన్‌పై త్వరలోనే ఉత్తర్వులు జారీ చేస్తామని న్యాయమూర్తులు ఆర్‌కె అగర్వాల్, ఎఎం సప్రేలతో కూడిన బెంచ్ తెలిపింది. పురోహిత్ తొమ్మిదేళ్లుగా జైల్లో ఉన్నాడని, అయినా అతనిపై అభియోగాలు నమోదు చేయలేదని వాదనల సందర్భంగా ఆయన తరఫు సీనియర్ న్యాయవాది హరీష్ సాల్వే చెప్పారు. పురోహిత్‌పై మహారాష్ట్ర వ్యవస్థీకృత నేరాల చట్టం (మొకోకా) కింద అభియోగాలను ఇప్పటికే ఉపసంహరించుకున్నారని, అందువల్ల మధ్యంతర బెయిలుకు ఆయన అన్ని విధాల అర్హుడని కూడా సాల్వే అన్నారు. కాగా, పురోహిత్‌కు వ్యతిరేకంగా కొంత సాక్ష్యముందని, అభియోగాలు నమోదు చేయడానికి ఆ సాక్ష్యం తోడ్పడుతుందని జాతీయ దర్యాప్తు సంస్థ(ఎన్‌ఐఏ) తరఫున వాదించిన అదనపు సొలిసిటర్ జనరల్ మనీందర్ సింగ్ చెప్పారు. కాగా, ఈ కేసులో మరో నిందితురాలయిన సాధ్వి ప్రజ్ఞాసింగ్ ఠాకుర్‌కు మంజూరు చేసిన బెయిలును రద్దు చేయాలంటూ దాఖలయిన పిటిషన్‌ను కోర్టు అక్టోబర్ 10న విచారిస్తుంది. తన బెయిలు పిటిషన్‌ను కొట్టివేస్తూ బాంబే హైకోర్టు ఇచ్చిన ఉత్తర్వులను సవాలు చేస్తూ పురోహిత్ సుప్రీంకోర్టులో పిటిషన్ దాఖలు చేశారు. కాగా, ఠాకుర్‌కు బెయిలు మంజూరు చేస్తూ బాంబే హైకోర్టు ఇచ్చిన తీర్పును సవాలు చేస్తూ బాంబు పేలుళ్ల బాధితుల్లో ఒకరయిన నిసార్ అహ్మద్ హాజీ సయ్యద్ బిలాల్ సుప్రీంకోర్టులో పిటిషన్ దాఖలు చేశారు. ఠాకుర్ బెయిలును రద్దు చేయాలని కోరుతూ దాఖలయిన పిటిషన్‌పై సుప్రీంకోర్టు గత నెల 28న మహారాష్ట్ర ప్రభుత్వం సమాధానాన్ని కోరింది.
చిత్రం..శ్రీకాంత్ ప్రసాద్ పురోహిత్
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.